2010年12月23日上午11:49公開累積瀏覽 447
今日嘅行程主要係去翟道翟Jatujak(JJ Market), 所以唔需要咁早起身, 我地09:00 先去食早餐.
型爸今日叫嘅主食係炒麵.
而我就叫咗raw young coconut, cinnamon & Almond porridge with banna & strawberries, 今日呢份主食麻麻, 食落去覺得好膩, 食咗一半唔要, 出去攞其他野食... 一樣咁滿意, 食得好飽.
跟著由酒店坐的士去翟道翟, 去到早上十點幾, 大部份鋪頭已經開門. 同朋友想買嘅野有所不同, 而每間鋪頭停留嘅時間亦不一樣, 所以我地分開而行. 只定了一個集合時間....哈哈! 好似旅行團咁.
睇吓個地方幾大, 其實我地都無咩野特別想買, 但嚟到曼谷, 唔嚟翟道翟又好似點那個, 所以都係周圍行吓, 睇吓有咩野啱. 型爸就最唔喜歡無目的咁行, 我地都係行吓, 坐吓, 食少少野. 都好攰.
好彩我都有少少收獲, 買咗兩條泰式闊褲, 兩件T shirt, 仲有椰子油.
呢個檔口係賣椰子雪糕, 每年都嚟幫襯.
的椰子雪糕好好味, 配埋杯椰青水, 仲可以添飲, baht25一杯.
天氣好熱, 根本唔想食野, 下午都係食咗碗粉.
行到攰, 又幫襯吓拉茶, 咁啱有隊外國crew嚟影相, 嗰位哥哥仔好落力表演. 至於嗰杯茶, 對我嚟講就甜咗的.
今天上午可以講係減肥日, 不停出汗, 但唔想食野.
差唔多兩點, 我同型爸就去翟道翟另一個部份, 專賣farmer, gardening 物品. 去年買咗兩套石蘑菇裝飾同青蛙蚊香座, 今次嚟買多幾隻... 烏龜, 大象, 南瓜... 等等, 好開心呀! 嘻嘻! 今年主要又係搬石頭.
我地坐的士返酒店放低的野兼休息一吓, 約咗兩位朋友四點鐘响Asia Herb Assocation, Sukhumvit 55 Thonglor Shop 到等.
覺得呢間Asia Herb喺咁多間分店之中裝修得最靚. 朋友佢地响翟道翟作最後衝刺, 大有收獲. 等埋佢地到咗, 一齊先叫佢地安排入去按摩. 大家都行到好攰, 真係需要按摩鬆弛一吓.
昨天晚上, 我兩位朋友去"Phuket Town 布吉市"餐廳時, 沿路見到有間鋪頭, 好多人幫襯, 鑊氣好香, 提議我地今天可以試吓. 呢個suggestion當然好啦...
按完摩, 我地就行去呢間時興酒家...
當時都仲係幾旺埸架.
我地叫咗生蝦. 其實有的驚, 咁嘅地方叫生野食, 怕唔乾淨, 不過型爸同朋友都唔怕, 我怕咩啫. 味道都係麻麻, 但食咗各人都無事.
呢碟燒石蚶就真係失敗, 乾哂, 唔好食.
煎蠔蛋, ok 唔錯
炒通菜, ok, 但唔明白點解咁細碟.
個冬陰公湯幾好味, 好過第一天嗰間Lemongrass
炒蜆就只係一般.
呢碟咖哩炒蟹就very good 啦. 整得真係好好味.
因為碟咖哩蟹太好味, 型爸即刻叫多碟咖哩蝦. 點知完全係兩樣野嚟嘅, 的汁配蝦就變得唔惹味, 下次一定唔會叫.
呢條燒黑爐(sea bass)就真失敗, 第一條燒嚟, 入面生, 打回頭, 佢燒過另一條, 點知今次熟得制, 的肉老哂.
另外加咗碟菜, 唔知係咩野菜, 比較硬, 無通菜咁好食.
overall, 呢餐都ok嘅, 不過都唔平, 食咗二千九佰幾BAHT.
食完飯, 我地一齊坐的士先返酒店, 因為朋友攞著好多戰利品. 本來朋友提議晚上出去Central World 嗰便睇吓以前露天廣埸飲啤酒嘅地方有無重開, 但返到酒店, 先醒起買咗的野返嚟, 未執好行理, 所以同朋友講唔出去嘞, 要攪掂的行理先.
執吓, 攪吓, 都成十二點幾先瞓...
時間過得咁快, 今日已經第三天, 明天便要回香港了.
