哈哈! Merry Christmas! 身體健康最緊要...好開心呀!

2010年12月24日上午1:24公開累積瀏覽 72 0                    

Merry Christmas!   今日係平安夜, 祝願大家都可以過一個充實又愉快嘅假期.  這幾天已經安排了很多節目, 亦安排了休息時間....同自己講, 唔可以玩得咁盡, 亦唔可以食得咁盡, 適可而止, 咁咩野都ok啦.

寫完泰國遊記, 又要開始追寫返的生活日記...

平時每年都會去驗血檢查身體, 但有時拖吓又一個月, 拖吓又兩個月.... 前一排食咗好多黃油蟹呀大閘蟹呀!  又為食, 但個心又有的驚, 食緊20mg Crestor, 都唔知頂唔頂得住.
上月底去旅行前, 卒次的起心肝去驗血.   去完旅行返嚟鬼咁忙, 都無去醫生到睇報告(其實有的唔想面對),  直至燙傷去睇醫生, 先攞個報告返嚟.

嘩! 一睇報告, 見到有紅字就有的驚, 點知睇真的, 原來係小小貧血啫.   都唔知點解, 睇我肥C大隻, 只有營養過多, 超重就有份, 點會貧血架... 好彩...輕微啫.

最高興係食緊嘅藥可以控制膽固醇至4.8度, 高密度膽固醇仲好高...醫生話我乖, 控制得到就最好啦.....好開心呀!

其實有時都唔乖架....當然, 唔會太放肆, 久唔久放自己一碼, 平時食得清的, 留番的quota等放肆時用....嘻嘻!

 

聖誕節派對, BBQ & 聖誕節大餐... 今晚就會响五號屋開平安夜BBQ party, 而家要出去做的野, 下午要去買海鮮啦....

 

Merry Christmas!!!!