假期的最後一天....大Project

2010年12月30日下午2:58公開累積瀏覽 27 0

December 27, 2010, Monday, 假期的最後一天... 天氣寒冷, 早晚與下午的溫差相當大

 

今日並無安排節目, 一來要休息一吓, 二來預留咗個大project今日做...就係執拾吓的衣服...
搬咗嚟呢道兩年幾, 初搬嚟時幾個衣櫃仲有大把空間, 眨吓眼, 迫到爆哂, 再加埋林老闆最近開倉益我地, 真係的衫多到唔夠地方放.  都係時候要清理一下.

花咗一個早上, 都仲係做緊物件大轉移, 重新安排擺放位置, 仲未能開始掉衫大動, 已經攰到死死吓....下午叫Ruby隨便煮個麵食完又開工....但係進展都非常長愋慢.... 跟著就要暫停.

 

因為我同型爸要出去, 先去買餸...補番的物資..無薑, 無豆豉, 無蝦米, 無冰糖, 無無無無無...真係激死.

 

再去Ikea行吓買衣架, Ikea咁大, 睇吓呢樣, 睇吓嗰樣, 攪到成九點幾先返屋企食飯.

 

食完飯上房見到仲係七國咁亂, 都係要繼續執架...但今晚一定執唔哂....  但一定要清理架, 唔係Ruby明天點執拾房間.   唯有將的未執好嘅手袋什物先放回櫃, 再搵一日比較得閒先再繼續啦.

估唔到今日用咗咁多個鐘, 只係做到part I, 真係唔efficient.   

 

當我清理完畢, 型爸已經睡著了, 我都要快的沖涼瞓覺, 明天要返工呀!

 

真係好攰, 仲辛苦個先兩日開party...   我都知, 通常玩都係開心的嘅..

諗吓諗吓, 成日買咁多野, 係咪有病呀?  究竟係咪購物狂&儲物狂? 真係要檢討吓.....