有時約人食飯, 真係擇日不如撞日...
長註大陸嘅同事返公司開會, 放工時見到佢, 型爸嚟接我, 大家老友鬼鬼, 順路載佢一程回家. 另一個同事話係咪有順風車搭, 咁順路無問題啦, 載埋佢. 嗰位同事話要去石門, 吓, 邊道嚟架? 原本我同型爸都好"背", 連馬安山鐵路站都未聽過(當然都未坐過). 同事帶路, 順利到達石門, 原來佢要去嘅地方响馬鐵石門站口.
放低那位同事之後, 那位長註大陸老友鬼鬼同事講開, 以前去田心村食潮州野好正, 搵日一齊去試吓, 型爸話搵日好難搵喎, 擇日不如撞日, 而家就去啦. 大家都高興和議, 即刻打電話比Ruby 唔返屋企食晚飯.
但那位同事唔記得點去, 因為次次去都係坐東鐵再轉的士, extact location 就唔係好記得. 於是我地將架車停埋一邊, set 個GPS去搵田心村 (其實型爸連田心村响邊區都唔知). 不過個GPS就真係發揮作用, 去到附近, 同事已經大概應得路.
卒之搵到啦, 隔離有停車場, 攞張咭片睇吓, 嘩, 咁犀利, 食神爭霸戰比賽得獎(哦! 唔係冠軍)..
牆上好多介紹喎!
嘩! 糖醋麵我鍾意食呀! 沙茶豬油渣麵, 咩嚟架?
再去檔口影吓, 好多都係明碼實價.
凍蟹我鍾意呀!
烏頭, 鯖魚 & 大眼雞
石蚶(即係螄堪, 唔記得點寫, 搵日查吓先...), 的菠蘿真係好大隻.
結果我地叫咗的咩野?!
凍蟹兩隻
鹽焗烏頭, 條魚尾有cable tire 註明出產地, 香港出品. 條魚有黃油, 好正呀!
白汋石蚶, 型爸話呢樣要生生地先好味.
鵝頭連頸一碟
煎蠔蛋, 嘩!, 煎得好厚, 有成六分厚, 味道ok.
超多料嘅蠔仔粥
又叫到一檯都係, 好彩我地唔係叫咗好多肉, 三個人食剩少少啦.
我其實好想叫甜品試吓, 但係實在太飽食唔落... 咩野係大四喜呀? 下次先試啦. 唉吔! 仲有糖醋麵未試呀! 潮州白粥....
呢道的野係ok掂嘅, 下次帶多的人一齊嚟食, 可以試多的唔同嘅野.
埋單hk$486, 唔知算唔算抵食...
沒有留言:
張貼留言