美孚名樓酒家 - 奶奶的生日晚飯

2010年12月17日下午4:15公開累積瀏覽 30 2                    

December 14, 2010, Tuesday

通常奶奶做生日都會提早小小, 佢喜歡揀邊日就邊日.  咁多年佢好似都未試過做正日, 唔知點解呢?
晚飯嘅地方, 都係奶奶揀嘅, 最緊要方便佢地.

美孚名樓酒家, 揀咗個餐好抵食喎!  星期一至四HK$1,488 全包, 星期五六日HK$1,988,  嘩! 差HK$500 梗係星期一至四食抵的啦.

我地加埋有19人, 要分開兩圍.

乳豬拼盤, OK 喎, 幾大碟.   通常第一碟都會食得好快, 因為好肚餓.

XO醬炒花姿龍牙蚌, 又OK喎

碧玉釀瑤柱脯, 呢個淡味咗的.

紅燒花膠雞絲生翅, 一般

清蒸老虎班, 好味, 好滑

北菇扒雙寶蔬, 又係一般

蜂巢香荔鳳尾蝦, 呢碟做得非常好, 芋頭味香, 炸得香脆鬆軟. 好味.

秘製醬皇雞, 味道唔錯, 但已經太飽, 食唔落, 試咗一嚿.

個糯米飯都ok嘅, 不過都係試咗一匙羹.

訂咗好大個壽飽呀....

送嘅泰式甜品(其實係大菜糕), 普通啦, 仲有個果盤無影相.

長孫買咗個生日蛋糕送比gramma, 好靚呀! 入面係fresh cream 加粟子. 淨係切呢個蛋糕都已經食唔哂.

而我整嘅Cheese Cake, 我買咗一枝特別的生日快樂蠟燭加一個壽星公做裝飾.

另一個就插咗個Happy Birthday 牌.

咁多蛋糕梗係食唔哂啦!  大家一齊食咗個壽桃蛋糕, 而我嗰兩個Cheese Cake 分咗四份比佢地帶回家食.   唔好意思呀二公子, 你又無得食嘞....  唔緊要啦, 第日再整比係食.