April 17, 2016, Sunday
組長昨天晚上又要出差, 我地呢班懶鬼今個星期又偷懶唔去行山. 唔做腳部運動, 改做手部運動. 只得組長夫人一個人在家, 咁我地都要陪吓佢架.
再加上鄭媽媽預早一個星期前約我地, 唔通又推佢咩.
本來叫佢地今日幫我部新麻將機剪綵....點知...哼哼哼, 咁嘅事情都會發生, 144隻麻雀, 竟然有一隻麻雀是不同顏色的...真的要命, 哈哈, 淘就有機會有呢的事情發生, 又要同賣家聯絡如何處理.
剪綵唔成功, 咁我地繼續去組長屋企竹戰啦, 佢個麻將房真係Ichiban.
去組長屋企打麻雀, 但晚飯又要返我屋企食, 所以我昨天已經有所準備, 擬定好菜單, 每樣餸Cindy都識煮, 分開冷盤, 蒸, 焗, 煮, 咁佢就容易的處理, 的餸大多可以同一時間起.
所以每次打麻雀, 我都要為晚飯作點躊躇. 哈哈, 去年都好似無打過麻雀, 今年應該會打多的, 再煮買咗個電動麻雀機都要用多的架.
今晚的菜單:
冷盤 - 青瓜麻醬手撕雞
兩蒸餸 - 櫻花蝦蒸水蛋
蒜椒粉絲蒸黃立鯧
一焗 - 焗豬肩胛
兩煮 - 魚香茄子
雲腿娃娃菜
煮好出嚟嘅六餸都好見得人架!
仲有一湯 - 粉葛鱆魚眉豆豬骨湯
的湯煲得好濃, 哈哈, 又係的料仲多過的湯.
六個人食六餸一湯, 梗係好夠啦. 仲燉咗川貝燉雪梨...哈哈, 不過一轉場回去就唔記得食啦.
唔習慣打長途, 到十點幾已經好攰, 明天要一早回公司開會, 型爸又要早機出差, 無心戀戰, 敗北.
下次再約啦.
