獨孤餃子

April 19, 2016, Tuesday

食野真係要講心情, 心情好, 食咩野都覺得無所謂, 樣樣都唔錯, 樣樣都好味.   但比情唔好又覺我有的孤獨嘅時候, 食咩都好似無味.

型爸出了差去馬來西牙, 二公子放假去咗街, 今晚就只得我一個人食晚飯. 

我一個人食, Cindy通常都唔會煮幾餸一湯, 都係煮碗麵就算.  但佢今日仲簡單的...

煮咗碗韮菜豬肉湯餃就算.   放工返嚟見到碗餃子, 覺得餐桌冷清清, 十分孤獨, 見到都無心機食.

跟著上多碟烚菜, 都好, 無咁單調

獨弧餃子對獨孤烚菜, 唔...... 平時假日同型爸一齊食, 加的大孖辣椒醬, 都覺得幾好味.   啱啱病好, 唔敢食辣, 一個人又無心機食, 十隻餃都食唔哂.

我無心機食, 但我有兩隻左右護法, 望著我碗水餃眼睛發亮....算啦算啦, 分甘同味, 比的餃子皮係兩隻野食啦.

唔好話我寵壞的狗呀, 平時咩都比的佢地食, 攪到我一埋飯檯佢地就好黐身架啦.