鹿頸鳳坑谷埔榕樹坳行山樂

April 3, 2016, Sunday

組長昨天公幹完畢回到香港, 晚上就己經Whatsapp我地問今天有幾多人出席.  兩個星期無行山,我同型爸梗大力支持.  不過副組長及夫人, 陶媽一家都要去拜山, 今天只有六人出席.

型爸膝蓋仲有的問題, 今日輕鬆的行海邊. 呢條行山勁同尖東星光大道一樣咁易行呀! 最難只係那上落二百幾級樓梯.

組長話佢無jet lag, 一樣要咁早出發.  今日天氣潮濕又熱仲好大霧.

組長好神心架, 嚟到梗係去觀音廟, 天后廟, 龍王廟拜神先啦.


行呢道路真係無難道, 都無加速

唔使一個小時就已經行到松記 (哈哈, 到現在都唔知松記呢道算係谷埔定榕樹坳.

兜個圈回程, 組長同哈叔行多另一段路, 佢地一陣嚟追上我地.

哈哈, 見佢兩個話行遠的, 我地4個去宋伯士多休息吓先.

食碗豆腐花

兩串燒賣4個人食.

休息咗十幾分鐘, 要次出發, 行咗十幾分鐘, 姐長夫人突然醒起漏低枝行山杖响宋伯士多...哈哈, 型爸陪佢返去攞, 我同另一位組員响道睇吓風景等佢地.

唔知係咪休息太多, 回程行一百五十幾級樓梯上有的腳軟添....

跟著大家去陳鳳記食lunch.

食完組長兜架車去埋關帝廟我地先回家....回家途中, 傾吓講吓...今晚又有節目....