金田吉列豬扒飯

April 22, 2016, Friday

好耐都無去今田食晏, 麻煩鬼話今日去幫襯吓, 如果唔係的餐廳突然消失都唔知

上到去, 見到的裝修有的唔同咗, 連墊檯紙都不一樣

睇嚟呢間金田比人收購咗了.

我好少比的劣評的餐廳, 但今日就真係唔想比都要比一次,  無論員工服務態度, 傳菜及食物.

上到去餐廳, 都未滿座, 但的侍應好似好似好忙, 的客人啱啱走, 執好檯但檯都未抹好就行咗去.好耐都無人過嚟落單.

佢地餐牌有一特價餐HK$38一客吉列豬扒飯, 見到有幾檯客都有叫, 咁我同慢魔魔都話試吓, 而麻煩鬼就要了鰻魚炒飯.

落單時, 當我地話要呢客特價吉列豬扒飯, 落單那侍應比我有一點不悄感覺, 說這餐不包飲品, 飲品要另外加錢.  她說話的方式令我覺得不舒服.

跟著不到五分鐘, 一位上菜的侍應, 在我前面放了一個托盤, 上面有一碗飯, 兩碗湯, 兩份餐具.  跟著放吓另一碗飯, 咁就走咗去.

哈哈, 我從來未試過日本餐廳係呢種服務.

咁就等我就執好一份, 推去比慢魔魔啦. 

整塊豬扒都被的燒汁蓋著, 本來脆的吉列皮都變腍.

那塊豬扒真係超薄, 的吉列加起厚過片豬扒

最後我將的吉列炸皮挑哂出嚟.

突然間醒起, 點解無咗前菜沙律....碗飯食完先送嚟.

麻煩鬼仲慘, 佢叫嘅鰻魚炒飯到我地食完都仲未嚟.  嚟到, 麻煩鬼叫我試吓....的飯嘅汁唔啱口味, 甜的.   的鰻魚肉好腍.

真係覺得好奇怪, 一間餐廳做特價作招來, 梗係想多的人叫, 咁先可以收到做廣告的效果.  但今次呢個特價餐....仲係一間日本餐廳....真係唔想再講...

總之有排都唔會嚟幫襯.