開菠蘿神器

April 9, 2016, Saturday

今日有好介紹, 非常好玩的!

 
我從來都覺得開菠蘿係一件好難又麻煩嘅事.  好多時都係叫生果檔幫我開, 又或者返屋企叫工人姐姐開.   好喜歡食新鮮菠蘿, 青青綠綠的買回來, 當菠蘿變黃發出陣陣香氣, 就可以開來食.

今日有咗個開菠蘿神器, 哈哈, 自己開, 唔使兩三分鐘就攪掂, 好開心呀!

呢個神器係咁樣嘅, 外盒包裝好清楚寫明用法

開菠蘿刀, 黑色的是手柄 (圓形刀片好鋒利, 要小心)

將手柄安裝好, 就可以用.

菠蘿用刀平頭切開, 將開菠蘿器放在菠蘿正中心

用輕輕力向下轉, 如果想留起菠蘿殼用嚟做菠蘿炒飯, 就唔好鑽咁深.  轉到底時就得啦, 最好唔好鑽穿個菠蘿, 會流哂的汁架.   跟著用少許力抽起, 整個菠蘿肉就可以拉出嚟.

我會用刀將菠蘿肉切開四件, 預備好一盤鹽水, 浸吓佢.

我鑽穿咗個底, 的菠蘿汁流咁的出嚟,  呢個係刀片嘅底部.

將個黑免手柄拎出嚟, 就會見到中間個菠蘿芯(通常都係好硬唔會食嘅).  用木筷子用點力將菠蘿心推出來.

的蘿蘿用鹽水浸一陣先.

 
 跟著瀝去水份入盒放入雪櫃, 一陣就可以食啦.

我無諗著整菠蘿炒飯, 呢個殼可以掉咗佢.

全程都只係用咗幾分鐘, 好開心呢!  

最開心係Cindy, 佢話咁樣開快咗好多, 平時佢切哂的外皮, 去菠蘿釘好嘥時間呢!

呢個開菠蘿神器, 我淘番嚟架!