韮黃鮮蝦雲吞撈蝦子麵

April 10, 2016, Sunday

星期天, 行山天, 五號屋雖然病了, 但仍然好想出去行吓!

但晨早起來, 已經雷暴警告, 出發前一刻, 組長都係決定取消. 以大家安全為第一.  當晚新聞, 真係有行山人士被雷激中, 嘩, 呢的野真係唔好講笑.

型爸根本唔想我去行, 佢話我已經病緊, 再淋濕身冷一冷都唔知會點.  咁而家乖乖响屋企啦.

今日Cindy放假, 緬甸都興潑水節, 佢今日出去玩呀!  午餐就自己煮啦, 整個簡單的雲吞麵.

上次都食過呢款韮黃鮮蝦雲吞, 幾好味架!

一盒有24隻, 三個人好夠食啦.

配三個蝦子麵

洗幾條油麥菜

焯幾焯就得

我最鍾意三爐齊開, 的雲吞又煮好

麵又跟著煮好....

快快快, 美味的雲吞蝦子撈麵, 攪掂....

好好味呀!  呢款雲吞可以繼續入貨.