韮黃鮮蝦雲吞撈蝦子麵

March 27, 2016, Sunday, 復活節假期

星期天本來係行山天, 但組長出外公幹, 我地呢的組員, 個個都偷懶.  無辦法, 長假期日子, 一的出外旅行, 一的又提早去拜山....大家休息吓啦.

呢幾日過得好開心呀!  做咗好多野, 跟著又出去行吓, 唔使整日待在家中.  時間都係自己掌握之中.

積壓的文件昨天已大部份清理好, 今日就到的雜物, 平時左買右買, 有的買咗都唔記得, 今日就來個大整理.

做到咁上下, Cindy問我下午食咩.....諗吓先...有, 雲吞麵啦, 上星期五去超市買咗兩盒新出的急凍雲吞, 快的試吓先.

呢款係東方小點嘅出品, 叫韮黃鮮蝦雲吞


本來諗著整雲吞湯麵, 但屋企只有壽桃牌的蝦子撈麵, 咁就整撈麵啦.

的雲吞用上湯煮好

烚幾條青菜.

雲吞撈麵就攪掂.  加的辣椒油,  正呀!

呢款雲吞幾好味呀! 的蝦肉好爽, 外皮又軟又滑, 下次會再買.

呢餐真係好過出街食呀!