魚子醬拌麵

April 23, 2016,  Saturday

我又收到禮物呀!

慢魔魔去台灣, 買咗樽魚子醬送比我呀!

呢樽嘅價錢, 大約為港幣百幾文.   慢魔魔話去年佢去台灣買過一樽幾好味, 今次佢買多一樽送比我.

咁淨係用魚子撈好似無咩咬口, 整包蔬菜魚蛋做配料啦.

先煮好瑤柱麵同魚蛋

烚多幾條菜心苗

打開樽魚子先, 再拌勻一下

加咗一大湯匙落去

今日飲品, 蘆薈青檸

今日午餐


原來一湯匙好夠撈, 仲好夠味添.....突然有個感覺, 好似明太子呀!

至於原本瑤柱麵嘅醬汁都唔使落啦.

咦!  我冰箱都仲有的名太子喎.....