麵筋木耳炒芹菜

April 13, 2016, Wednesday

昨天請了一天病假, 食咗的好勁嘅消炎藥, 氣管當堂順的, 無咩咳啦.  但的消炎藥實在太犀利, 食咗胃藥都一樣胃痛, 咩野都唔想食.  午餐都係去阿善素食食碗粟米粥.

Cindy又幾好呀, 佢話我胃口唔好, 煮兩碟素菜比我.

麵筋木耳炒芹菜, 仲加咗的蘑菇, 煮得都幾好味, 只係我無胃口食唔落.


雞蛋炒秋葵, 平時都好鍾意食, 今日都食兩條啦.

焗豬肩胛, 型爸同二公子食啦.

 
 肉骨菜...病, 唔啱飲

其實呢三餸一湯都唔錯, 只不過我病, 唔想食.

Cindy見我都係無胃口, 佢話仲有的魚腩, 不如又煲麥皮魚腩粥比我食.  又好啦, 食麥皮粥清淡的好的.