五號屋的部落

2020年6月18日星期四

簡易版龍蝦牛扒餐

May 30, 2020, Saturday Night

工人放假, 我唔會懶, 晚餐都係自己煮, 都係四個人食.

唔難吖, 全部簡易版咪得囉

礶頭南瓜湯, 加鮮加一份水, 一份鮮奶就好好味架啦

熟龍蝦開邊, 加上牛油蒜蓉芝士...一焗就得

Q版美國安格斯牛扒, 組長優惠假賣咗一大盒30磅), 一煎就得

Side Dish, 自家制蔬菜薯蓉餅. 解凍之後軟咗, 即放入模內入爐呀...又攪掂

湯加埋呢份都已經好夠啦.

甜品是二公子女朋友買數字屋 Cookie & Cream Ice Cream Puff

食完後生嗰兩位去洗碗.

咁就攪掂一餐, easy 執呀!

2020年6月17日星期三

香蕉奶昔

May 30, 2020, Saturday

星期六, 又嚟攪攪震. 不過Cindy 今日放假, 全部都係自己動手呀!

呢盒係咩....

就係剝咗皮冰凍的香蕉, 我用保鮮紙獨立包裝

呢的係咩, 冰凍了的蓋莓

Food Processor 又出場啦. 冰蕉, 冰藍莓, 加了一公升奶. 打打打打

攪掂

咁杯飲品配咩呀....

四式芝士Pizza

辣肉腸pizza

哈哈, 一睇就知pizza 係急凍架啦....只要一焗就食得

仲有Fish Finger

四個人的午餐...話咁快就食得....配埋杯香蕉藍莓奶昔...

無得輸啦...梗係好過出街食.

二公子第一次食呢款Four Cheese Pizza, 佢話好好味呀!

2020年6月16日星期二

May 29, 2020, Friday

因疫情關係, 好耐都無同一班老友鬼鬼食飯.

新年時本來約在我家見面, 但當時疫情當起, 個個心中都有的struggle, 加拿大回來的老友就話下次回來先再見面啦.

眨眼過咗幾個用, 加拿大的老友又回來了, 仲隔離埋14日, 加上政府放寬限聚令至八 (我地啱啱八個人) 咁唔見次面又點得. 相就幾位在荃灣區的老友, 我們約了在石圍角的明星酒家食晚飯.

去到樓下, 吓, 咁多人等位嘅. 不過我地訂咗位應無問題. 但係上到去, 只係小貓幾檯. 朋友話在樓下所謂等位的, 都只是來涼冷氣....唉....的酒樓, 人民生更慘.

共中有位老友, 每次例必遲, 咁幾位男士話, 唔理咁多, 好肚餓, 叫咗白焯生蝦, 切雞义燒拼盤食著先....哈哈, 夾起一的比例必遲, 個個好似餓鬼咁就KO哂. 相都無影, 再影埋相就無得食啦...我都個個識於微時, 大家一見面就笑不停, 每次亦食唔停.

呢碟薑蔥焗生蠔卒之記得影啦

例湯...又幾好喎

啫啫通菜煲

南瓜芋頭煲

山西孜然排骨 (睇吓, 我一慢的手就只剩半碟

欖角蒸沙巴龍躉. 我們要了條大魚, 但來到只係一條細魚開邊. 唉, 見酒樓的生意咁慘淡, 我地都費事同佢計較

咦, 明明叫咗十樣餸...呀, 記得了, 要了片皮鴨 . 呢味唔得, 鴨唔好味又嚡, 一隻鴨大約只片了二十片. 餅皮仲好笑, 一塊開二, 夾啱二十片鴨肉, 二十半片餅皮.

另外仲有二食涼瓜鴨殼.

睇番張單就記得食咗咩啦.

呢度近班朋友, 睇嚟下次見面都會嚟呢道.

2020年6月15日星期一

蘑菇頭薯蓉

May 23, 2020, Saturday

當我今日好辛勤咁整香炸芝士蛋糕同雞撻時, Cindy都一樣响道攪攪震, 佢又嚟一度食得唔好嘥系列....

就係呢嘞...似咩呢? Cindy話係蘑菇型的薯蓉球. 係用昨晚煲完薯仔紅蘿蔔魚湯留起嘅暮蓉整架. 整好之後, 再整一個緬甸style醬汁, 蕃茄加辣椒, 少少辣, 味道都ok 架. 比咁心機, 一定要比個like 啦. 如果將個薯球拉長型的...似鮑魚添呀...kakakakaka....

今餐仲有香煎馬友

义燒醬焗一字骨

加埋炒菜就四餸

一湯係清保涼湯

其實今晚只有我同型爸食飯...都算豐富啦.

2020年6月12日星期五

芝士蘑菇雞撻

May 23, 2020, Saturday

上次整完個雞肉撻實在太好味, 今日又整過.

雞扒去皮切粒, 無需醃

上次用紅蔥頭, 今次用半個洋蔥, 礶頭蘑菇六粒, 全部切碎. 雞肉, 蘑菇,洋蔥用牛油炒香, 加鹽胡椒粉調味. 盛起備用.

再用牛油炒香麵粉

再加入少許雞湯(嗰粒冰就係雞湯), 再加少許cream 及鮮奶

將雞肉蘑菇回鑊, 無需要太多汁

煮起好似喧就得

預熱焗爐180度

先將急凍撻皮焗5-8分鐘, 再拎出嚟放入雞肉

放好雞肉後, 每個撻再加上四份一塊芝士.....好魔鬼呀!

放入焗爐180度焗15分鐘.

一出爐, 二公子吃了三個, 我及型爸還有二公子的女朋友吃了一個, Cindy一個, 再包起幾個比二公子的女朋友帶回家, 剩低兩個, 型爸話唔好留啦, 一人一個食埋佢啦....就係咁, 全部KO 哂.....相都唔得影就無嗮啦.

嘿嘿嘿....我下次加的黑松露醬落去.....可能仲剎食呀!