Macau Trip - Galaxy 亞洲美食坊

2011年7月12日下午1:17公開累積瀏覽 1472 0

July 8, 2011, Friday... 結婚週年紀念

 

今日係一個特別日子, 我和型爸的結婚週年紀念.  我請咗一日假.  型爸安排, 我地又去澳門, 今次唔只我地兩個人去, 同埋大公子二公子, 仲有兩個姪女.  再加埋大公子在澳門的朋友, 好高興呀!

今次去澳門嘅目的, 最主要係再睇一次水舞間, 因為我地發現, 上次同三家姊去睇時, 中段時出現技術故障, 停了十多分鐘.  後來睇完show出嚟, 見到電影介紹的片段, 先發覺無咗好精彩嗰段飛電單車表演.   今次大公子朋友可以幫忙攞到的飛, 一於同佢地一齊再睇過.  兩個姪女聽到可以攞到飛, 即刻話一齊去睇.... 咁多人一齊去, 梗係開心啦.  

咁型爸安排呢日, 都當要係有目的啦, 睇完show, 今晚訂咗Antonio Restaurant慶祝我地嘅結婚週年紀念. 

訂到水舞間之後, 我地先去book房同船飛, 本來想住新嗰間Galaxy, 點知全部fully booked, 連新濠天地嗰幾間酒店都full埋.   型爸去中旅社, check到The Landmark有房, 咁就book The Lanmark 啦.   HK$1,844一間房, 包兩套來回船票, 都算ok啦.  咁我地訂咗三間房.

姪女話想早的去, book10:00 , 點知10:00-11:30 都full, 唯有訂09:30 啦.  都唔醒起, 應該要book 11:30, 早的去可以standby.  而家限咗09:30, 一定要準時到.

回程就book星期六晚上23:00, 咁我地訂咗去食法國菜, 食完先返香港

套票好攪鬼, 送咗三份(每個房間一張)澳門銀河亞洲美食坊套餐換領劵, 哈, 我地又可以去嗰道食晏

仲有3張(每房一張)澳門叮噹堡, 豬扒包+果汁換領劵

仲有3張(每房一張), 咀香園換領劵, 可以揀椰子味鳳凰卷, 鮑魚酥or加蛋餅.   
未出發, 見到個package已經好開心啦.
晨早08:00出門, 我地都係決定開車去, 泊喺林士街停車場, 日泊hk150+夜泊hk$50+日泊hk$150, 應該平過我地坐來回的士.
去到碼頭, 先去美心食個早餐, 跟著仲可以上到09:15嘅船....出發啦....
到達澳門, 先去酒店check in, 但未有房, 要下午14:00 後先有房, 咁我地先放低行理, 坐hotel shuttle bus出返碼頭, 再坐Galaxy shuttle bus 去Galaxy行吓.

咁去到Galaxy, 就梗係幫襯亞洲美食坊用埋嗰幾張coupon 啦.

去到二公子好似好肚餓咁, 叫咗佢喜愛嘅鐵板霜降牛扒餐hk$85

大公子就叫咗鐵板雞扒牛扒餐, hk$67

後來我地發現, 張coupon值hk$50.... 要其他野可以加錢, 但係唔係間間食肆都接受加錢.

而我就要咗呢個魚蛋雲吞麵, 用coupon換, 唔使加錢.  嘩hk$50, 咁咪好貴

粟米雞粥加糯米雞, 兩個姪女話唔肚餓, 一份刀share嚟食, 呢份又係用coupon換.

呢個鳳爪排骨飯, 又係用coupon換, 型爸嘅

本來我地想用的coupon換New York Fries , 點知佢地話佢地已經無join呢個promotion, 咁型爸都買咗兩份New York Fries 一齊食.

都唔知點解, 大公子同二公子都好似好開胃咁, 已經食咗早餐, 都係十二點幾之麻, 全部擦哂.  兩位姪女本來話唔肚餓, 結果又係全部食哂....

kakakaka...我地梗係無放過的New York Fries, 又係全部食哂.   人多一齊食野, 真係好開心.