Macau Trip - La Bonne Heure 良晨法國餐廳

2011年7月15日下午3:47公開累積瀏覽 539 0

July 9, 2011, Saturday Night, Macau Trip

 

上次同三家姊姊夫嚟澳門, 本來訂咗去良辰食法國菜, 但係最終提早返香港無去食到.  今次卒之嚟食啦.

地址近新馬路板樟堂巷12號AB,  即係响麥當勞隔離行上去嗰條巷. 

餐廳門口頗細唔起眼

佢地留咗一個頗好嘅位置比我地, 唔知應該叫閣樓定係一樓
入到去覺得幾優雅及頗有情調, 室內燈光比較間, 所以影的相都唔係咁好

 

呢兩張係Menu cover

已經盡量嘗試影的menu睇吓有咩食, 但實在太暗.  用閃光燈又太光.   最後呢個Today's Special, 就要用閃火燈先影到.

House bread, 上嚟時都仲係熱, 好味

大公子同佢朋友都叫咗洋蔥湯, 大公子比我試咗一啖, 咦! 好味喎.

二公子叫咗蟹肉忌廉湯, 我又試咗一啖, 味道唔錯, 但有少少腥味, 個湯唔夠熱.   其實我地應該要出聲, 即時整熱佢, 不過二公子話算啦, 唔使啦!
我同型爸都無叫湯, 其實我個肚都仲係唔餓, 叫個湯食埋麵包, 其他野就食唔落啦.

頭盤叫芝士生牛肉一份

鵝肝兩客, 嚟到唔記得影相, 我地share嚟食, 呢份係我架.

香草焗田螺, 佢地嘅整法有的特別, 無牛油香味, 面頭灑嗰的, 原來係麵包碎.

而主菜我地就揀咗Today's Special

澳洲西冷牛扒, 呢個係兩人份

的牛扒好好味呀! 真係好得, 我地叫七成熟, 但整得啱啱好, 非常嫩滑, 有牛味

呢個係焗乳豬, 佢地嘅做法係將件乳豬炆腍之後, 再將的皮煎脆.  我覺的麻麻, 但係型爸話好好味.

我地今日唔係好餓(下午不斷食緊野), 所叫唔係叫咗好多野, 三個湯, 四個頭盤, 三個主菜, 五個人食.  人均三佰.   型爸話的野食唔錯, 會再嚟.

哈哈, 下次嚟澳門又好唔得閒, 又要食葡國菜, 又要食法國菜, 仲要去六記...kakakaka, 全部都係食食食.

食完飯都差唔多九點幾十點, 我地要返酒店攞行理出碼頭啦... 點知去到的士站, 又係排長龍, 仲無車添.  無辦法啦, 我地行咗十幾分鍾去The Landmark攞番的行理, 諗著再坐hotel shuttle去碼頭.  點知酒店話shuttle已經停咗啦.  吓! 無理由架, 嗰張coupon明明寫著到晚上10:50分.   酒店話只要我地比hk$40, 可以開hotel limousine送我地去碼頭. 都費事諗, 梗係坐啦, 等的士都唔知要等幾耐.
去到碼頭, 本來想standby 10:15pm 同10:30pm, 點知全部full, 嘩! 原本真係咁多人嚟咗澳門.  最後我地上咗10:45pm船....返屋企啦... 
今次呢個trip, 都無買咩野手信, 本來諗著買豬仔包同橄欖, 都無去supermarket.  不過唔緊要, 大公子話遲的佢再去, 會幫我買.
今次嘅收獲只有:

實肉三牙或

瑪嘉烈葡撻
咀香園鮑魚酥(用中旅送嗰張coupon 換嘅)

咀香園加蛋餅, 又係用中旅送嗰張coupon 換嘅

今次行程完滿結束, 我地都好開心.....不過下午行到又熱又攰, 晚上返到屋企已經食零晨十二點幾... 好攰呀!