Macau Trip - Horizons City of Dreams

2011年7月12日下午3:32公開累積瀏覽 343 0

July 8, 2011, Friday afternoon

响酒店房間休息一陣我地又出發啦, 先由酒店坐shuttle bus去碼頭, 再响碼頭坐shuttle bus去新濠天地. 响新濠天地行咗一round, 都無咩野睇, 距離睇showroom 仲有成個鐘, 去威尼斯人來回又唔夠時間, 行吓行吓又好似有的餓, 不如又去high tea啦(kakakaka, 又係食)
見到呢間cafe門口有的葡撻麵包蛋糕, 入面又唔多人, 一於入去tea一tea啦.

入門口時唔記得影相, 坐低先坐响到影返張, 我行到好攰唔願郁啦(又唔記得叫兩個俊男幫我出去影).
哈哈, 唔覺唔覺, 我地都叫咗好多野呀!

大公子叫嘅Ice Mocha加煙肉蛋撻

兩個姪女叫嘅Mix cherry沙冰加丹麥條

二公子叫嘅朱古力奶昔加葡撻&檸檬撻.  我都未來得及影相, 佢已經食咗件檸檬撻. 傻仔嚟架! 食葡撻都唔响呢道食啦.  可過佢鍾意食咩就咩啦.
而我就叫咗一杯蘆薈荔枝沙冰加一個煙肉蛋撻. 而型爸就叫咗一個雪糕咖啡.  但係我唔記得影相呀!

呢道的野都唔平, 平均一杯飲品都要三十幾蚊.  不過有個好處, 我地用港幣, 會折算返葡幣.

頭先張單都未包括呢個焦糖椰絲麵包呀.

咪見我地叫咗咁多, 但係都係每人食少少, 我將我個煙肉蛋撻切開六份比佢地每人試的.  連呢個焦糖椰絲包都切開六份大家試吓.  姪女又將佢地嘅丹麥條比我地試吓....

真係要讚吓呢道的飲品同食品, 每樣飲品都ok喎, 而撻同麵包都唔差..

我地食得好開心呀!

仲有15分鐘就開場, 我地要去睇show啦!