2011年7月15日下午2:33公開累積瀏覽 260
睇完戲都係四點幾, 我地又要睇吓有咩攪作, book 咗19:30食法國菜, 仲有大把時間.
咦! 今次仲未買葡撻喎! 如果要去安德魯, 又要去路環, 好似遠咗的. 大公子嘅朋友提議我地去瑪嘉烈買葡撻. 又好吖, 本來係兩公婆, 分開咗, 但整嘅葡撻應該都係差唔多啫.
去到瑪嘉烈, 嘩! 好多人喎
呢邊又坐滿
嗰邊又坐滿... 好彩最後我地都搵到張檯.
我地一次過買咗30個, 即係五個半打, 即時打開一盒嚟食....超失望, 因為唔熱嘅, 同我地上次去路環安德魯食新鮮出爐嘅葡撻差好遠.
不過唔買都買咗啦, 味道唔差, 只不過係唔熱, 無新鮮出爐嘅感覺. 我地食咗一盒六個(又食...犀唔犀利....)
其他嘅葡撻, 帶咗返屋企放入雪櫃, 食嘅時候, 放入焗爐焗5分鐘, 即刻好似出爐蛋撻咁, 好味好多.
原來熱食同凍食相差咁遠.
沒有留言:
張貼留言