參加同事的婚禮

2011年10月25日下午9:31公開累積瀏覽 408 5

October 22, 2011, Saturday morning to afternoon

有同事結婚, 今日去參加他的婚禮.   平時收到請柬,  通常只會去觀禮或晚宴.  但今次同事嘅安排係早上觀禮,  跟著安排咗旅遊巴送我地去lunch buffet wedding.
 今日真係好日, 我同型爸兵分兩路, 我參加同事婚禮, 佢出席佢朋友的婚禮.
 
左手面係同事自己畫同design嘅Invitation Card, 右面係婚禮嘅埸刊, 並唔係一貫嘅紅色或粉紅色

正面用一條魚嘅設計, 而底面就用兩條魚, 呢個都頗有心思

好耐都無去過教堂參加行禮, 結果今日要好似返工咁早起身.

當新郎新娘唸出誓詞時, 我都覺得好感動.  突然想起當年同型爸結婚時唸誓詞時嘅景象, 眨眼間過了咁多年, 兩個仔都咁大.  唔怪得之的仔女結婚時, 有的父母會感動都哭.

婚禮大約一個小時, 跟著就係拍照時間, 拍完照我地就坐旅遊巴去宴會廳

响九龍紅墈灣紅鸞道八號九龍會灣畔宴會廳

如果唔係坐旅遊巴嚟, 都幾難搵.  我有個同事只係嚟buffet lunch, 結果搵咗好耐, 都係要坐的士先嚟到.

Joseph係我同事

 

 

地方裝修都唔錯

全部都係酒店嘅擺設, 結果都擺咗23圍.

 

呢套係餐具....哈哈, 點解餐具都影...睇真的, 有的特別架.

呢比個close up睇吓, 呢套餐具嘅形狀同普通餐飲業不一樣, 义兩面大細不一, 匙羹無了一角, 而刀就似圓月彎刀, 刀鋒好薄, 但非常好切.

地方ok, 食物普普通通啦.  可能擺得圍數太多, 擺食物的位置相應比較細, 結果要排好長隊攞野食.

 

其他食物無影啦, 就只影了這一碟.  甜品都係普普通通

我地兩點幾就走啦.

其實下午婚宴都幾好呀! 雖然要早起身, 但下午可以返屋企休息.

Yuki & Joseph, 祝你地幸福快樂, 早生貴子呀!