春節後的第一次 lady's night

2012年2月22日上午11:22公開累積瀏覽 54 2

February 16, 2012, Thursday Night


今日下午又去幫襯骨醫呀!   都唔到我自己唔信, 比佢治療完, 真係頸肩都鬆咗.  但係過一段時間, 條頸同肩都係繼續痛.   我問醫師, 咁點攪呀?  醫師話要比的耐性, 等的筋骨消腫就唔會咁痛.   吓!  我去睇西醫食著的消炎止痛得唔得呀!  最好唔好啦, 的止痛藥對係無益架...但係成日痛好苦惱喎....忍耐吓啦, 需要時間....哎吔, 究竟我搵啱醫生未呢!  經佢治療, 又真係好的, 起碼都會好似做物理治療咁, 做完都好似無做..

睇完醫生要趕快返屋企呀!  今晚約咗鄰居, 我地春節後的第一次 lady's night 呀!  本來佢地話我無時間, Ruby今日又放假, 唔使我煮.  但我覺得點都要整的野好的.  返到去到七點十五分,  佢地應該差唔多開始, 我要快快手啦....嘻嘻, 卒之用咗三十分鍾, 整咗個係咁意中式甜品.

先睇吓佢地整咗咩野餸先啦....

十五號部屋蘿蔔炆牛肉 

十五號部屋苦瓜煮鹹菜


十八號部屋, 奶奶整嘅豬頸肉

十八號部屋媳婦整嘅擊式炒炒絲

十五號部屋嘅炒菜心


十三號部屋三式樣炆雞翼 

十三號部屋西蘭花鮮魷


 三號部屋嘅肉碎四季豆

八號部屋嘅炸春卷

九號部屋無整, 帶咗盒朱古力嚟.  十號部屋身體不適無嚟食飯, 不過飯後就過嚟一齊傾謁.


我地八個人有九碟餸呀!


而五號屋呢, 就整咗呢個芝麻蜜糖炸麻花呀!   今次炸得好靚好滿意呀!  又脆又香口, 雖然整咗二十四件, 好快都食哂啦!

食完仲有餘興節目, 就係十五號部屋教我地拉筋呀!

傾吓攪吓又十點幾啦...明天要上班, 唔可以太夜啦!