哥哥屋企黐餐

2013年5月30日下午12:42公開累積瀏覽 313 0

May 25, 2013, Saturday Night

的甘草羅漢果水煲好, 就快快出門, 先去接媽媽, 再去哥哥屋企.....時間啱啱好呀, 去到我地仲早過姪女呀!

哥哥的工人姐姐好掂架, 出去買餸煮飯, 全部一手攪掂.

紅蘿蔔薯仔炆牛尾


白切雞, 二人姐姐去深水埔街市買嘅新鮮雞

蒸鯇魚

洋蔥炒蛋

煎魚肉豆腐


粉絲蝦米煮肇菜

煮咗6餸一湯, 我地八個人, 夠哂食啦.


嚟哥哥屋企, 每次都有甜品, 今日係腐竹白果糖水加溏心蛋....我嗰隻過咗的火.... 的腐竹都係工人姐姐去樹記買架....叻女...

黐餐完畢, 我又負責送媽媽返屋企.

沿路返緊屋企, 林老闆打比型爸....佢要等半小時啦...一陣過嚟飲野.

麵包機青醬麵包

May 31, 2013 10:42 PMPublicPageviews 586 0

May 26, 2013, Sunday

上次用完個新玩具, 覺得有的唔like, 整出嚟嘅買相唔夠靚, 今之再整過..

今次我加的青醬落去....應該會好香啩..

今次都係用同一材料, 但加咗2.5湯匙自家製青醬(沒有加芝士的)

材料:  高粉495g, 糖38g, 鹽7g, 牛油27g, 固體菜油27g, yeast 8g, 凍鮮奶 375g, 青醬2.5湯匙

都係用牛油後下法, 未落牛油白油時覺得個來麵團唔夠soft, 落咗之後就啱啱好...跟著再加埋青醬....以前麵包個麵包機有兩個cotainer, 的麵團搓起成個ball好靚, 但呢個container太大, 兩邊有blade, 搓起起唔成個ball.

 

亦都唔知係咪因為咁個麵團面唔夠平滑呢....

今次一樣唔like呀, 唔知係咪焗嗰時我打開個麵包機睇吓焗得好唔好...焗好時中間又陷咗落去.

 

睇吓呢張橫切咗嘅麵包就知係點啦....咁肉酸點見人呀!

的麵包texture都ok, 但食起有的"笠"口....啊, 唔知係咪我加咗青醬但忘記減的鮮奶量呀!

的麵包食落無問題, 但樣真係好樣衰囉, 陷咗落去嘅位置, 真係無咁鬆軟( 比較"笠"口)...試咗兩次都仲係覺得部機有問題....我仲要再試呀.

唔通淨係用部機嚟搓麵團...咁咪好似以前一樣....有的嘥喎, 呢部機發酵時間好的喎...真係要再試.

又有新玩具

2013年5月25日下午2:47公開累積瀏覽 487 0

May 20, 2013, Monday Night

好耐無整麵包啦, 呢排有的懶, 好多時都係買現成嘅English Muffin或者漢堡包, 方便型爸同二公子星期六日食豬柳蛋漢堡, 或牛肉漢堡.

今日我要試新機, 呢部係樣辦嚟架, 有一份簡單嘅說明書, 但無bread recipe, 我要自己慢慢研究呀!

不過的function大同小異, 應該唔難啩!

無bread recipe, 我就自己預啦, 整過咁多次麵包, 應該唔會點差啩.

我覺得最save係整牛奶枕頭包,

材料:  高粉495g, 糖38g, 鹽7g, 牛油27g, 固體菜油27g, yeast 8g, 凍鮮奶 375g

用麵包機, 都係要先落流質, 糖, 鹽, 跟著麵粉, 最後落酵母.... 我用牛油後下法, Kneading 2先放的牛油同白油落去

當佢發酵時我無理佢呀....因為成個program 要三個小時...己經提醒自己, 唔好比的麵包焗得太耐, 要提早少少攞出嚟... 不過我顧著响樓上寫blog, 已經唔記得咗佢.

落到去仲有十分鐘焗完....唔得啦, 要攞佢出嚟....焗太耐的外皮好硬架.

出爐了, 熱氣騰騰....好香的麵包....不過呢個係side view嚟咋....

睇吓個 top view,  哈哈, 幾醜...唔知點解呢, 係咪個麵包機大, 中間發唔起呢....  定係個機四邊都熱, 但中間無咁熱, 所以發酵不均勻呢....呢的有待我有時間慢皺驗證.


個麵包外型雖然唔靚, 但皮脆內軟, 好香好好味喎.....個recipe得呀!   咁醜, 就算係缺憾美啦...(真係識得安慰自己)

呢部機有個Home made button, 可以自己set一個program, 即係話我想攪拌時間, 發酵時間及焗嘅時間都可以自己決定...不過呢樣有的高深, 要深入研究先可以呀!

下次都係用Basis program, 睇著佢, 再用的Pesto sauce 嚟試吓整麵包先..

又有新玩具

May 25, 2013 10:47 PMPublicPageviews 478 0

May 20, 2013, Monday Night

好耐無整麵包啦, 呢排有的懶, 好多時都係買現成嘅English Muffin或者漢堡包, 方便型爸同二公子星期六日食豬柳蛋漢堡, 或牛肉漢堡.

今日我要試新機, 呢部係樣辦嚟架, 有一份簡單嘅說明書, 但無bread recipe, 我要自己慢慢研究呀!

不過的function大同小異, 應該唔難啩!

無bread recipe, 我就自己預啦, 整過咁多次麵包, 應該唔會點差啩.

我覺得最save係整牛奶枕頭包,

材料:  高粉495g, 糖38g, 鹽7g, 牛油27g, 固體菜油27g, yeast 8g, 凍鮮奶 375g

用麵包機, 都係要先落流質, 糖, 鹽, 跟著麵粉, 最後落酵母.... 我用牛油後下法, Kneading 2先放的牛油同白油落去

當佢發酵時我無理佢呀....因為成個program 要三個小時...己經提醒自己, 唔好比的麵包焗得太耐, 要提早少少攞出嚟... 不過我顧著响樓上寫blog, 已經唔記得咗佢.

落到去仲有十分鐘焗完....唔得啦, 要攞佢出嚟....焗太耐的外皮好硬架.

出爐了, 熱氣騰騰....好香的麵包....不過呢個係side view嚟咋....

睇吓個 top view,  哈哈, 幾醜...唔知點解呢, 係咪個麵包機大, 中間發唔起呢....  定係個機四邊都熱, 但中間無咁熱, 所以發酵不均勻呢....呢的有待我有時間慢皺驗證.


個麵包外型雖然唔靚, 但皮脆內軟, 好香好好味喎.....個recipe得呀!   咁醜, 就算係缺憾美啦...(真係識得安慰自己)

呢部機有個Home made button, 可以自己set一個program, 即係話我想攪拌時間, 發酵時間及焗嘅時間都可以自己決定...不過呢樣有的高深, 要深入研究先可以呀!

下次都係用Basis program, 睇著佢, 再用的Pesto sauce 嚟試吓整麵包先..

本陣@H8

2013年5月24日下午2:46公開累積瀏覽 289 0

                                                                 
May 20, 2013, Monday afternoon

哈哈, 今日食晏, 繼續去H8試新餐廳

今日去21/F., 本陣, 日式料理...不過主打BBQ

佢地的leaflet有贈卷, HK$現金

免費雪糕

免費飲品.....

當然只可三揀一啦.

每張檯都有呢個燒烤爐

近窗位置係日式坐位...我同同事都唔想除鞋....唔坐呢的位置呀!


午市套餐, 價錢由五十幾都一百都有

 

點了菜, 每位先上沙律

 

一位同事要了鐵板燒一口牛定食

另一位要了雞腿肉, 骨付豚肉腸定食

我就試吓呢道嘅BBQ牛肉啦.


天氣好熱, 唔想對著個爐太耐, 我一次過燒哂的肉, 跟著熄爐


不過我係錯的, 的肉剛燒起時, 又軟又juicy, 凍咗之後, 的肉就無咁好味啦.


埋單要加一, 不過我地每人一張減HK$5coupon, 咁就慳咗少少啦.

都好味架...下次再嚟.

大埔群記豬手麵

2013年5月23日下午2:44公開累積瀏覽 395 0

May 19, 2013, Sunday Afternoon

大埔群記嘅豬手麵好出名, 我地常聽林老闆佢地講過, 但就未去食過, 佢地話好多名人去嗰道排隊買嚟食呀!

今日我同型爸唔使排隊就有得食啦.

林太今日出開去, 買豬手麵返嚟, 預埋我地一份呀!   的豬手好多肉喎

除咗豬手, 仲有牛丸, 的牛丸好彈好好味喎.


仲有呢的鹹牛肉卷


佢地話响嗰道食好味的, 外賣攞到返嚟就差的啦.

的豬手同牛丸都真係唔錯, 不過如果要我排隊等好耐去買我就要考慮吓啦

甘草羅漢果水

2013年5月29日下午2:31公開累積瀏覽 363 0

May 22, 2013, Saturday

下午執緊野時, 姪女突然打電話比我, 話今晚去叔設到食飯, 順便攞埋的野比我帶去加拿大....初時話約明天食晏, 咁如果今晚去哥哥道, 我又唔使煮啦...打電話同哥吾聯絡, 今晚我同型爸一於去黐餐.

不過去黐餐都要帶拌手禮架.... 咁短時間, 煲咩好呢?


呀, 執野時發現仲有一包甘草罹漢果...吓, 咁抵飲, 一包可以分兩次


咁跟佢份量啦.,

點知用半包份量係唔得架, 煲咗差唔多一個鐘, 試味, 好淡....唔得呀!  再放埋嗰一半再煲半小時.

加多的份量真係濃好多...我平時淨煲墨漢果都落兩個啦...

不過煲好待涼時我仲忙緊執野...叫Ruby幫我入樽....入了4瓶, 1 瓶留低, 3 瓶入袋帶過去... 的甘草羅漢果水仲係熱架, 但唔夠時間再等.

跟著就趕著出去接媽媽, 完成品唔記得影相呀!

入了雪櫃的一瓶第二天就飲了, 到寫blog時先發覺無影相!  

羅漢果加了甘草一齊煲都幾好味, 屋企仲有羅漢果, 下次買的甘草返嚟再煲過.