杏汁豬肺湯

March 18, 2014, Tuesday

上星期同美國回來的朋友去煌府飲咗個杏汁豬肺湯, 好好味. 今日型爸出嚟同我一齊食晏, 唔使諗, 梗係想佢試吓個豬肺湯.

為免去到無哂豬肺湯, 咁我打電話去訂位啦.   接線應該係一位男經理, 我話要訂位佢好似有的愕然, 唔知係咪平時都唔滿唔需要訂位.  咁我話幫我訂一鍋杏汁豬肺湯, 點知佢話要check吓再覆我.

我等到十二點三再打電話去, 佢竟然話今日無豬肺湯.   唉,要型爸失望添.  訂咗位都唔想去啦, 不過型爸出到嚟, 佢話算啦, 唔飲湯咪食第二樣囉.

咁同埋兩個同事, 一行四人照去啦.   去到真係唔使訂位, 的檯好多, 四個人坐八人權.

哼, 條氣唔順, 再問招呼我地嗰位女經理, 今日有無杏汁豬肺湯, 佢話幫我check吓. check咗返嚟係有嘅.....yeah!  那位接線男經理攪咩呀.... 要讚揚女經理Iris Chan, 招呼好週到添.

 

杏汁豬肺湯到啦.  好大鍋, 用呢款碗, 每人足有兩碗 ,  好香的生磨杏仁味呀!

 
湯料亦足 , 已經食緊的啦.

HK$1一籠蝦餃,要了兩籠, 每人一粒

今是叫其他點心, 要了經濟客飯, 一個小菜跟一碗白飯

南乳蓮藕炒豬爽肉

涼瓜魚腩煲

京蔥羊肉, 呢碟好鹹呀, 食落的肉無羊味, 分唔出係豬肉定羊肉

食完問吓Iris有無甜品送呀, 佢話一向都無甜品送, 不過今日特別的啦.   結果送咗每人一碗雪梨雪耳無花果糖水...好清潤呀!

哈哈, 加上飲咗杏汁豬肺湯, 今日非常養顏呀!

一客湯, 三個客飯加蝦餃. 埋單HK$340, 每人HK$85.

的湯係好飲呀, 不過唔知點解, 食完晏型爸肚痛.   我返到公司又係肚痛, 好彩痾完無事.   唔係好似上之stuck著喺個胃, 腸胃炎成十天.

連續飲咗兩次豬肺湯, 要過一排先再嚟啦.