土魷剁肉餅

March 25, 2014, Tuesday

哈哈, 今日又忍唔著講吓今晚的幾餸一湯. 因為有碟做得十分好味的餸


就係呢碟土魷蒸肉餅啦.   今次叫用了野豬肉, 自家手剁, 加了土魷, 十分惹味.  肉質有的彈性, 唔會好腍.  見到二公子用托匙羹大大口的吃, 好開心呢.

仲有芝士薯餅.  哈哈, 响屋企食都加芝士入薯餅, 係咪肥死人呢!

 二公子喜愛的麥樂雞.  呢的CP麥樂雞,二十幾文一包, 得十二件, 仲貴過全雞....諗吓係咪貴過麥當勞.  不過二公子食完後, 佢話CP出呢的麥樂雞, 無佳寶的好食的喎.   都係去佳寶平的.   其實呢的有咩好食, 如果唔係二公子要食, 我唔會買呢.

仲有西洋菜鯪魚球湯.

除咗個湯之外, 全部都係二公子鐘意食

雖然唔係咩野特別好餸, 但做阿媽, 見到個仔食得開心(其實佢都大個仔啦), 我好開心架.