天王第四代

March 22, 2014, Saturday.

星期四晚因為去買沙律菜, 唔覺意去咗大埔超級城, 食晚飯就食咗四佰幾, 但係魔鬼型爸, 唔覺意就使咗四萬幾.

唔覺意入咗去Osim, 唔覺意咁試吓, 唔覺意又覺得幾貼身幾夠力, 唔覺意就比咗錢.

星期六早上, 天王第四代就入咗屋啦.

 

呢就係呢個天王, 都幾靚仔架

 

 側面都好有型 (哈哈, 咁梗係無我型爸咁有型啦)

 

有幾款顏色架, 但我地都係比較喜歡沉實的深啡色

 

呢個天王都真係幾勁, 有十幾種程式

 

仲幾high tech架

有程式, 可先download程式到手機中, 再用藍芽傳送到天王身上.

新"屎坑", 一整好就即試啦, 嘩, 又真係幾勁喎. 同之前嗰部千禧椅真係好大分別, 夠哂力, 人手做都做唔到呢個較果.

我地張千禧椅原來都十四年啦, 雖然從未壞過, 的皮仲係好靚, 但舊嘅唔去, 新嘅又點嚟吖, trade in 都值七千文, 咁梗係trade in 啦.

拜拜啦千禧, 而家我愛天王呀!

我同型爸都係非常喜愛按摩之人,  好攰嘅時候, 而家可以搵天王啦. 不過要推油的話, 都係要搵師傅啦.