2014 Bangkok Trip - Day 1

December 5, 2014, Friday

每年一次的泰國之旅, 今日又出發啦.

呢排工作好忙, 無時間做準備, 只係訂了機票酒店, 去到先算啦.   不過泰國去過二十幾次, 一的問題都無啦.   最開心就係二公子同佢女朋友join我地一齊去, 一行四人, 搭的士去邊都方便啦.

 

 上機前先去Lounge 食的野, 呢道的魚蛋粉好味呀!

 今次坐泰國航空,

 
 呢班機係A380, 可以坐五百幾人, 但差唔多都坐滿.  我留意到呢架機嘅攝影機响機尾高位, 所以飛機泊位, 可以睇得好清楚.

 
 最好就係部手機全有得义電啦.

不過份飛機餐就麻麻

 
算係幾好味嘅西芹雞肉沙律

都算幾難食嘅茄子肉碎麵.   好彩食咗野....放棄

 
好鬼甜的甜品....放棄.

到Bangkok大約三點幾.

以前嚟泰國我同型爸都唔會買internet card, 但今次同二公子一齊嚟, 無internet 用佢覺得好唔方便, 咁買一張share一齊用又方便好多嘅.  只要去Gate 7, 就見到呢間dtac, 不過超多人, 要排隊呀!

一張上網咭, 包咗local通話費, 7天 299 Baht, 大約港幣七十幾文(同上次去台灣差唔多)

千祈唔好响機埸換錢, 匯率差好多架(3.75), 要去呢間superRich(好多BTS站都有)...4.18.   不過响機場出嚟Phaya Thai嗰間SuperRichy竟然換到無哂錢

不過唔使擔心, 我地坐BTS去到Asok, 大把錢換呀!

今次住Grand Centra Point Terminal 21...非常方便, 一出BTS Asok站行過嚟就得啦.

 
 大堂都幾靚

  
 Lift lobby一樣靚.  今年係呢間酒店兩周年

訂了twin bed...哼哼哼....唔使比型爸搶哂的張被

房間有個小pantry, 有微波爐, 對住仲有個頗大雪櫃

洗手間有淋浴室, 亦有個大浴缸

去到酒店都差唔多五點, 休息半小時我地出去啦.  坐BTS由Asok去Chit Lom拜四面神.  其實四個人可以坐的士, 但的士要講價, 又怕塞車.

去到BTS站, 留意到多咗呢的迷你麥記


唔知係平時無留意, 四面神外圍靚咗好多.

一於既往, 好多人來拜四面神

拜完四面神, 我地去Central World 食晚飯, 見到好多人穿著黃衣, 手拿蠟燭...好多人响到慶祝泰皇生日呀!

都無特別想食咩, 見到呢間Kalpapruek幾多人, 咁咪入去試吓.

要了炸魚餅

 
蔬菜春卷

青咖哩雞
 
 要了薄餅配咖哩

冬蔭公湯


仲有一個拼盤

的青咖哩好辣, 咬咗一隻, 真係辣到楝眼淚.

型爸要了啤酒, 我地要水, 一樣要比錢.

呢餐普普通通, 不過遇到隔離檯一位台灣人, 大家好好傾呀!

埋單千幾Baht, 港幣三百幾都抵啦.

食完行出嚟見到炒雪糕, 我地嚟咗咁多年都無食過, 但二公子想食, 咁就食啦.

又睇佢地表演

好多人, 要排隊, 二公子要了Cookie & Cream

等咗十幾二十分鐘呀!

食完行出Central World,  頭先就係有好多泰國人响呢棵幾層樓高嘅聖誕樹下面開晚會慶祝泰皇生日, 個個著著黃衫, 我唔影佢地啦.

哈哈, 世事真奇怪, 搭BTS返酒店, 竟然响BTS站撞見舊同事.

今次嚟之前唔記得先預訂按摩, 嚟到先打電話去訂, 結果間間都話滿...五六日唔預訂,幾間大按摩店都無位.

今晚無得按摩...失望呀...即刻預訂明晚及後晚.....