二人遠足

December 20, 2014, Saturday

上個月同型爸去行山, 小腿足足痛了一個星期.  去做足部按摩時, 按摩師一用力按, 小腿便抽筋, 可想而知, 小腿筋真的過度受損.  不過痛咗一星期之後又無咩野, 同型爸心思思又想去行.

上次去行嘅路線實在不適宜我地呢的不常行山的人. 行了一次有點怕怕.

今日同型爸選了一條就近的平路, 比較短程, 來回兩小時內完成.

我地今次目的地係龍潭觀音古廟.  初段路程放狗時常常行, 只是從未去到觀音廟那裡.

由粉錦公路蕉徑路口出發, 行了大約40分鐘便到達.   今們用了倒序方式, 先影目的地, 回程再拍照.


 到啦到啦, 呢間就係龍潭觀音古廟.  廟前有一塊頗大的空地


入廟拜神, 呢樣野一家要做啦.

 
 唔知呢間古廟起咗幾耐, 但呢道有個石碑, 的村民一九七幾年合資修葺古廟.

如果我地要繼續行山, 這裡可以繼續行到元朗(連表. 但我跟型爸都只係初哥, 無人帶領, 唔敢亂嚟, 行到呢道, 會沿路回去.

由觀音廟望出去, 係一個越野車場, 見到有幾個人在揸越野車

嘅然嚟到, 梗係行去睇吓, 原來呢處係香港越野電單車總會

入到去一個人都無, 睇吓價目表,嚟呢道玩一日唔平呀.    無人, 想飲杯野都唔得.
 

行咗一陣我地走啦, 走時見到兩隻小黑羊, 不過見唔到羊媽媽

回程就影吓我地點行到嚟呢道.

所行嘅都係呢的石屎小徑

見到呢處有個牌都有的攪笑, 寫著潦農自然護理署水即

就係呢個

咁樣睇得清楚的, 呢個小閘只有大約一呎, 唔知作用係咩呢?

不過的水就好清

最特別一提係經過一個棕櫚樹林, 呢道有幾百棵棕櫚樹

短短一條蕉徑路至彭屋村, 竟然有兩個公厠.  兩個公厠都好乾淨添

 去彭屋村, 可以由上水小巴站乘57K, 咁由彭屋村去觀音廟, 只需大約20分鐘

 

由彭屋村行出來便是蕉徑, 呢道係蕉徑鄉公所, 隔離好似係議只辦事處

差不多出到粉錦公路,  有一間叫蕉徑休閒村, 寫著歡迎參觀.

哈哈, 不參觀由自可, 一參觀就逗留了兩個小時.  在那裡有水耕植物, 我想在家裡的後園安裝呀! 所以花了點時間同店主傾談, 約了他明天到我家後園看看.

原來他們在彭屋村那邊有一幅地方種了有機菜, 現在等政府審批.  佢地仲叫我去摘菜, 今個月免費讓朋友摘來食.  我們登記了之後, 明年夏天有機菜推出時, 可以半價購買(一兩個月)

我摘了呢四款菜....好開心呀!

今日收獲豐富, 好玩的一天呀!