2014 Bangkok Trip - Day 2

December 6, 2014, Saturday

自由行嘅好處就係自由, 想幾點起身就幾點起身.

都要介紹吓呢間酒店嘅特大窗口,有兩層電動窗簾.   外層電動紗窗, 如果想全部black out, 咁就落多一層.

我地都習慣早起, 相就二公子, 九點先落去食早餐

餐廳在酒店六樓

 
餐廳頗大....但勁多人, 要排隊入坐, 不過唔使等好耐

 
自助餐多種選擇


但熱葷就唔啱我


型爸幫我要了魚蛋米,佢手多落咗好多辣椒粉, 好辣呀

要多一碟

呢杯以為係甘筍汁, 飲落又有蕃茄味, 可能係Mix.... 記著中式點心唔好試呀!

食完跟著去泳池游水.  呢張相响我房間影落去.   户外泳池在酒店八樓,有按摩池, 正.

在泳池攤抖咗個半鐘, 大約十一點半先出去.

包了架的士, 先去Wat Pak Nam, 河口廟, 跟著去JJ Market


呢道係河口廟入口, 今日好多人呀!

去了仍在加建裝修, 今年已經全部完成, 仲多建了一個龜池

仲加建了不同的佛像

逗留了15-20分鐘, 打比的士司機叫佢返嚟接我地.

有的肚餓, 在出面檔口買咗呢的泰式炸物, 入面係香蕉, 南瓜, 芋頭, 又幾好味呀!  哈哈, 呢的係咪叫泰式天婦羅呢....30 Baht, 港幣HK$10都唔使.

由Wat Pat Nam 坐的去 JJ Market, 大約25分鐘.

 

入到去,多咗好多野食賣呀, 不過呢的咁彩色, 無興趣呀!

咦, 呢道有素描畫像...不過好多人要排隊, 返轉頭先畫啦.

二公子對的魷魚墨魚有興趣, 咁我地買一兩串試吓

跟著坐低食碗魚蛋粉, 50 Baht

 

隔離有檔小兄妹開檔(我諗佢地得十歲八歲), 見佢地咁細個都出嚟搵錢, 即刻幫襯支持吓.  佢地用鮮椰絲溝的粉, 整咗呢的甜品...食落好似甜甜地嘅年糕...  30 Baht.

跟著食杯椰子雪糕, 飲杯椰子水....35Baht (今年多咗好多檔椰子雪糕呀!)

又見到呢個意大利肥佬煮大鑊海鮮飯

但我地食飽飽唔食啦.

行咗兩個幾鐘, 唔多唔少又買咗的野

兜返轉頸去畫畫人像先.

呢個畫帥幫二公子同佢女朋友畫

呢個就幫我同型爸畫.

畫完差唔多四點幾五點, 我地出發去下一站. 叫咗架的士, 300Baht 由JJ Market 去Chocolate Ville, 司機等我地食完, 再送我地返去Terminal 21, 400Baht.   四個人真係好, 坐的士好化算.

去到真係好多人, 仲有好多旅遊巴

 

 嚟到就周圍影吓相

環境都幾靚架, 呢道其實係間餐廳, 我地首先要去攞位

 

排哂隊呀!  我地攞咗呢個提示器,輪到我地就會响, 返嚟攞檯, 就會話比我地知邊張檯.

我地仲要留低電話號碼, 好彩買咗張電話internet card.


呢間咁靚係咩?

哈哈, 係洗手間嚟呀....左手面係Men

右手面係Women

等咗大約二十分鐘有位啦....睇吓, 真係好多人

呢面都係...呢道叫Chocolate Ville, 但又唔見有好多Chocolate賣

我地被安排坐呢一面....呢間餐廳好似有幾百張檯

天色轉暗, 已到黃昏

見到呢的電動三輪車, open shelf 係用嚟搬餐具.

 
呢的密封嘅餐車, 係用嚟運送食物

 
天黑, 亮哂燈又有唔同嘅感覺

叫野食先

有西式及泰式, 昨晚食了泰式, 今日二公子要食西式

要了4 款飲品

Caesar Salad, 的醬汁調得好味.

叫時以為黑色嘅係墨魚麵, 但食落好似爽爽地嘅gelly.


薯皮

海鮮意大利飯

Beef Nachos

蘑菇肉碎pizza, 味道麻麻

型爸飲完一杯Hoegaarden, 再來一杯

 
 埋單2,415baht, 大約港幣六百.

臨走先見到踩了高腳的小丑先生.

食完我地返酒店, 放低哂的戰利品, 沖個涼又去下一個節目.

昨天訂唔到按摩, 今明兩天都訂到啦.

今日訂了Asia Herbs, Sukhumvit 24, last booking 10:00 pm

    佢地搬咗新鋪, 同一條街但遠咗好多.  Last booking 都仲有好多客人

新鋪全部電子化, 登記做member即有95折.   以前600 Baht兩小時 Thai Massage, 而家加價到950 Baht 兩小時.  我地要選了90分鐘, 750 Baht.  95折就 712 Baht.

不過個師傅麻麻, 按完都唔覺得好鬆呀!   哈哈, 不過今日行咗一日, 有得按點都係好嘅.

按完返酒店覺覺豬, 今日夠哂皮啦.