2014 Bangkok Trip - Day 3

December 7, 2014, Sunday

時間過得真快, 咁又去到第三日.  不過年年都嚟, 輕鬆relax一下.


晨早起身, 按開窗簾, 今日連紗窗都開埋, 睇得好清楚.  房間呢個方向好開揚呀.

 

睇吓泳池有無人先, 咁早無咩人呀!一陣食完早餐, 快的去泳池hea下先

 今日無特定節目,等二公子瞓耐的, 九點半先落去食早餐

我食早餐好悶蛋, 無咩新意, 食來食去都係嗰的.  第一天係魚蛋米, 第二天係雲吞河, 今日係雞肉湯河....,再加兩塊煙肉, 加的生果, 咁就夠啦.

食完上八樓, 去游泳池之前去facility room 睇吓

呢道有兒童室

瑜珈房

Gym room, very spacious...好舒服.   其實嚟住酒店, 真係要用吓的facility.  但嚟泰國, 的人個個往外跑, 呢個Gym room 都無人用

响泳池hea咗兩個鐘, 梳洗完先出去.

今日嘅節目係行街,  先行Terminal 21, 泰國大熱天時(呢幾天都唔算好熱), 行商場舒服的.

行咗兩個幾鐘已經好攰, Terminal 21有好多食肆, 由二公子決定食咩

佢揀咗呢間The Manhattan Fish Market, 食西式

已經差唔多兩點, 兩仔爺好肚餓, 咩都想叫... 要了一個二人set, 再加一份combo.

有兩份餐湯

我地要Lemonade, 唔夠酸嘅... 型爸要啤酒

前菜小食

呢個係二人餐...好大份喎

另一份combo又嚟 啦.   佢响道燒咩?


係芝士大蝦呀!

呢份combo都好勁

兩份都有飯底呀!

我地食咗一半已經食唔哂

 

最後決定打包...哈哈, 去旅行都打包.. 梗係, 房間有微波爐呀!

埋單1,713 Baht, 其實我地唔使叫嗰份L6.Manhattan Flaming都夠食呀!

食完攞的戰利品返酒店(真係好方便, 响樓上之麻), 休息半小時, 再出發去Pratnum Mall. 呢道真係好似韓國嘅東大門, 好多平價衣服賣.   唔多唔少又買一的... 又行兩三個鐘.

返酒店前去supermarket 掃貨, 買齊野返酒店沖個涼, 跟著唔係去食飯, 而係去按摩.  今日下午兩點幾先食完, 好飽, 按摩前唔好食咁飽, 諗著按完先食野呀!

訂咗Terminal 21 6/F, Let's Relax

呢道裝修幾靚，的氣氛好舒服。我地有預約，但唔知係佢地聽錯，明明訂四位，　但booking只有兩位, 好彩後尾都幫我地按排。泰式按摩800Baht per person.

 
 按摩前每人飲杯茶先

 
 跟著去洗腳(而家Asia Herbs都改咗無得洗腳）

不過有的唔習慣，唔知係泰式房無哂定呢道的房都係咁，全部要瞓高床，一見到的床就知今日唔掂，呢的高床師傅出唔到力架。

估計無錯，真係唔夠力，又係嗰句，有得按好過無得按。

最驚喜係按完出嚟，竟然有芒果糯米飯食....好味呀！

按完我地無出去食飯，行咗一日又按完摩，唔想出去啦，返酒店食埋下午打包嗰兩盒。　返去時見到有生果賣，買咗柚子同芒果，做宵夜呀！

估唔到的野叮翻熱好好味，由其是的飯，哈哈，食埋的飯加的生果啱啱好,　正呀！

跟著要執行理，買咗好多野要塞哂入去呀！我嘅喼中喼又大派用場啦。