係唔係都要打邊爐

May 16, 2015, Saturday

上星期日母親節型爸話想食打邊爐, 被我睩大眼睛無聲抗議, 唔打邊爐食西餐,結果係自己要做一餐.

二公子今日放假, 一早上十一點一齊去按摩, 早去早返, 三點幾開始返屋企.  回程途中,  二公子又提出要打邊爐, 話好耐無食過(又幾耐呀?)  我話Cindy煲咗湯, 明天先打啦, 二公子話明天有朋友嚟, 唔打就算啦.....對著老公可以硬的心腸, 但對著個仔就心軟, 打邊爐就打邊爐啦. 的湯留返明天啦.

屋企基本上都有的存貨, 只係出去買多少野就得啦.

陶媽幫我在觀塘買的手切牛肩脊, 百幾文一斤, 抵食好多.

手打魚蛋, 牛丸&豬肉魚丸

金菇菜

水通菜

鯇魚腩

腐竹水魷

近來喜愛的韓國拉麵, 無味粉, 打邊爐好五架.

一打邊爐, 兩仔爺就好開心啦....真係無附近!!!!!