Isquare 牛陣

April 29, 2015, Wednesday

哈哈, 好耐都無試過, 有人約睇戲呀!   二公子都算乖仔, 佢去拍拖睇戲, 可以兩個人去, 但佢訂埋我同型爸嘅飛, 一齊去睇, 咁我地梗係去啦.

訂咗晚上7:45嘅戲票, 唔想睇完戲出嚟先食飯, 一於食咗先睇戲.

呢間牛陣喺Isquare 7/F., 食完只要搭電動樓梯, 上去睇戲就得.

型爸二公子同埋佢女朋友先到, 六點鍾開始食, 七點半還檯.    我超多野做, 我六點九先到. 下午去Spasso食lunch食到好飽, 其實都唔想食任食火鍋, 不過佢地提議話就近, 無所謂啦, 任食都可以食少的.


去到佢地都差唔多食飽

我一到, 佢地馬上叫和牛比我, 佢地話食咗幾盤啦. 唔使驚, 每盤只得十塊薄如紙的牛肉片

黑豚片, 估唔到的黑豚片好味過的和牛喎.

牛脷

型爸整咗一太碗醬汁比我


出面有好多配料可以攞, 但我全部都無食呀!

型爸幫我攞碟菜返嚟....

我夠哂啦.

 

呢道晚市放題HK$148, 食普通牛肉, 但型爸要食和牛, 我地每位HK$299 (我都無咩點食...蝕呀)  不過呢道有好多款飲品選擇

哈哈, 睇吓我地加埋試咗幾多款

最後食番杯雪糕啦.

埋單HK$1338.

二公子請睇戲, 型爸請食飯.

上去睇戲之前, 我地行去睇吓另一間日本料理, 呢間係和牛專門店

型爸話唉吔, 佢鐘意食燒肉呀....哈哈, 咁下次啦.

夠鐘我地要入場啦....復仇者聯盟2....

睇完出嚟十點幾, 好彩食咗飯先, 唔係出嚟變食宵夜啦....