酷熱天氣下玩水不遊山

July 30, 2017, Sunday

上星期本來有得出海, 點知打風無得去, 今個星期好天, 咁就可以出海啦.

今日天氣又悶又熱, 出海都係一件好事.  我地約埋鬼妹仔一齊去呀!

 
平時我地都係先行山後玩水, 點知船長文哥話架船其中邊摩打有的問題, 叫我地先游水, 等佢check吓先

我地今次停咗响"雞公頭" (完全唔知喺邊).  我地由海中游到達沙灘, 的沙又幾靚喎. 今次有兩個小朋友, 佢兩個玩得最開心.

玩咗兩個小時, 我地上船開去塔門

諗著食完飯行一個圈

已經在新漢記訂了位

今日連大搭細十三個人

豐富午餐, 加多一碟海鮮炒飯

 食完去觀音廟行咗一個圈, 天氣太熱, 我地決定唔行啦.

鬼妹仔好開心, 影咗好多相.

回程送鬼妹仔去車站, 佢要趕去機場接Daddy, 老外五點幾到呀!

原來今日有兩個行山人士中暑,  好彩今日改咗游水先, 游完水大家有的攰又唔想行山, 唔好話大人, 都怕的小朋友頂唔著呀!