大會堂Maxim Cafe's + 誰來愛我

August 10, 2017,  Thursday

呢幾日真係好忙, 剛出差回來好多野做, 但唔加得班呀, 因為今日約咗我地行山組嘅組員一齊去睇舞台劇

林韋辰係我地其中一位組員, 佢叫我地支持一下香港青年輔助恊會 (我地都係第一次聽呢個慈善機構), 咁做善事, 大家一齊去支持.

放咗工, 我約咗型爸在大會堂Maxim's Cafe 等, 要食的野先.   佢地睇完先食, 我地唔制啦, 睇到十點幾先食, 個胃頂唔著呀!

 
我未到, 型爸已經Whatsapp個menu比我....哈哈, 佢驚我趕唔切呀!

遲遲唔會遲, 去到都只係六點幾, 餐廳無咩人.    呢間懷舊餐廳, 的食評都幾好喎.

糊仔粟米湯配麵包....的味道及感覺真係幾懷舊, 味道唔差嘅

我要了鵝肝牛柳大蝦配意粉.   鵝肝唔得, 牛柳就幾好

型爸要了T骨扒, 肉質都好腍.

五成熟又做得幾好.

食飽飽啦....佢地响樓下快餐店飲野...一齊匯合去睇劇

幫我地訂了12張飛

套劇的劇情有的老套, 但唔可以否定佢反映現實家庭.   連續三晚的舞台劇, 收益都係用嚟幫的無家又或者有家歸不得的兒童/青年.

嘩, 睇完都晚上十點幾, 返到屋企都差不多十二點, 好彩一早食咗野咋.  我唔想去夜宵呢!