Naked

July 27, 2017, Thursday

相約多時, 卒之今日擇日不如撞日. 約咗銀行財務顧問小姐食午飯.   咁問佢有無去過Naked 食飯, 佢話未去過, 咁就同佢去試吓啦.

 叫秘書小姐訂位, 去到都幾滿人, 好似生意好咗的喎 (我都好耐無嚟啦)

呢道餐牌都係得嗰幾樣, 財務顧問小姐無嚟過, 咁我都係叫二人套餐, 主菜選牛扒

 前菜好快就嚟, 不過擺盤唔同哂

 魚生等咗一陣都嚟啦.

跟著就等等等等等, 叫佢地添茶都要叫幾次, 睇嚟人手真係唔夠.

我地隔離檯仲好笑, 叫個侍應埋嚟, 跟著同佢講, 可唔可以認真的幫佢地加的茶, 已經第四次, 個個都話ok, 但轉頭就無人嚟加茶.

隔離檯又係叫二人套餐, 不過主食要了三文魚西京燒, 一上檯佢地問呢道係二人定一人份, 那侍應話二人份, 咁佢即刻話唔係阿麻, 唔該拎個餐牌嚟, 我地唔夠食.

 哈哈, 等等等牛扒卒之嚟啦. 都有十件八件, 夠我地二人食.

 甜品又係等到天長地久, 我地埋咗單先至到.   以前擺碟好靚, 現在完全不一樣.

埋單hk$298 + 10% = hk$328.

呢道的食物非常一般, 餐牌選擇不多, 服務又唔夠人手....點算.