大都烤鴨

July 26, 2017, Wednesday

午餐食完個豐富凡點心放題, 都未餓就食晚餐啦.

今晚帶鬼妹仔去食片皮鴨, 我覺得佢會喜歡去modern一的嘅餐廳, 所以訂了K11的大都烤鴨.  雖然係Weekday, 呢間訂位只限兩個時段, 18:00-20:00, 20:00-22:00.   六點係早, 八點又覺得太夜, 咁就訂六點十五分啦.

K11, L2, 到啦.

 門口看見玻璃窗後的廚房掛著兩隻烤鴨

 而廚房入面的電爐又有一隻.  電爐下的炭當然係裝飾品啦.

 一坐低先上一份水果

鬼妹仔搵唔到, 型爸出去接佢.  估唔到, 六點幾已經差不多坐滿... 唔怪得之要分兩段時間訂位.

睇咗餐牌,的四人套餐唔係好啱心水,都係散叫啦.

前菜要了醉雞及春筍

 片皮鴨一隻, 其實四個人食一隻係多咗的, 但呢道片皮鴨半隻份量好少

半隻鴨有一碟, 鴨皮鴨肉分開, 鴨皮蓋在鴨肉上, 大約只有十二件, 而包鴨的粉皮亦只有12執, 如果想加就要另外比錢.   咁一隻鴨就係雙份.

 而呢的配菜都係, 每件鴨每樣放一條, 覺得唔夠要加就要另外比錢.

 一鴨兩食(鴨殼不可以帶走), 另外加HK88, 加了一份鴨鬆小曼頭, 初時都唔明白點解個小最頭點upside down, 原來個包頂撕走咗, 包內的整到一個窩, 好似窩窩頭咁.

 可以幾的鴨鬆放入去

 黃金蝦

 肉鬆四季豆

 炸脆鱔, 呢碟唔得, 脆就係脆, 一的鱔味都無.

 呢碟係包拯骨, 即係鎮江骨

買個人要了八樣野, 當然好夠食啦.

鬼妹仔好鍾意食片皮鴨, 我諗佢一個人食咗十件都有呀!

埋單時侍應話有K11咭有九折.   咁都好, 本來要差不多千六文, 現在HK$1,379.