日本雪花肥牛晚餐

July 6, 2017, Thursday

上星期六去大埔剩市四咗兩包日本雪花肥牛,  Cindy放假無人煮飯, 咁我地就嚟個雪花肥牛快餐.

 呢兩包雪花肥牛, 我買時一看見已經傾心, 油花均勻.....一家好正

咁又唔會咁懶淨食牛扒, 係咁意都整個礶頭湯.   呢個日式忌廉南瓜湯喎百佳買, 不過唔係成日有貨.   呢個湯可以淨加水, 不過加奶就好飲好多.    我就加咗1 礶水, 1/3礶cream.....嘩....好飲到不得了.   呢個係我同大公子的favor soup (又啩著佢添...), 但今日連型爸同二公子都話好味!   不過唔記影相.

 煲緊湯時就順便整埋個飲品, 熱情果(百香果)蜂蜜特飲.   只要將熱情果肉加入杯內加蜂蜜, 加溫水至蜂蜜溶, 喜歡凍飲就加冰式冰水

 我呢兩杯就用咗三個嘅熱情果, 二公子嗰杯就用咗一個大的熱情果

 跟著就搵的配菜, 哈哈, 點知雪櫃無哂的什菇什椒...就用紫洋蔥啦.

,4

 至於煎牛扒就唔使我煎呀.  型爸負責煎, 二公子負責切

 
 第一塊煎得熟咗的.

 真係好好味呀....只要加少少鹽, 落的黑胡椒, 的牛味出哂嚟.

 今晚三個人食咗四塊日于雪花肥牛....真係好正呀!  

唯一唔好就係的前牛扒時的油彈到張餐檯通處到係, 仲有配菜少咗的.