谷埔鳳坑烏蛟騰

Jun 25, 2017, Sunday

上星期父親節加上天氣不穩定, 行山組休息了一天.   呢個星期就好的, 間中有驟雨. 

今天早上, 雖無落下, 但天色都有的灰暗.   共中一位行山組員住港島區, 早上07:30 whatsapp 話佢嗰邊落大雨, 出唔出發.     對於熱愛行山的組長, 馬上回覆, 我地呢邊無雨, 準時出發.    點知唔夠10分鐘, 我地呢邊就落大雨...但組長無話唔行喎....大家都等等等等....真係比我地等到雨停, 08:45出發啦.

今日我地有新隊員參加, 係名譽領隊哈叔的朋友林偉辰 (昨晚先睇過佢做嗰套有關建築的電視節目Man Sir).    共實端午節佢地已經行過一次, 梧桐寨四個瀑布, 再由大帽山落, 嗰段路都幾係架.

今日行南涌鳳坑谷埔, 去到無落雨, 天朗氣清.  行海邊, 風景好.  大部份都係石屎路, 落雨都唔怕.

睇手機天氣28度, 但實際上好似三十幾度.  落完雨大陽出來, 的熱氣由地面蒸出嚟.

行到宋伯士多...今日無開門, 順口問吓老闆娘, 做咩唔開檔, 前幾日落大雨, 今日又時程時雨, 驚無人行山, 咁咪唔開囉.   佢話做埋下星期 (7月1日及2日) 就抖暑, 要9月先再開呀!

我地行到去松記, 好熱, 的男士話飲番杯啤酒先....見到老闆楊生, 原來佢地又係做埋下星期便抖暑....哈哈, 今日佢請飲啤酒呀!

飲完啤酒又再出發, 分開兩組行, 組長副組長領隊新組員共6人上山行烏蛟騰.   我地呢邊共5人原路出雞谷樹下, 出到去我地攞車開車去烏蛟騰接佢地.   兩段行程相差半小時, 唔會等好耐.

我地行到中午天氣熱到不得了.   太陽伯伯踩行油呀! 

接咗佢地, 領隊哈叔又話去三門仔皇潮魚港

攪唔擔呀!  嚟到又係大吃大喝, 增肥咩, 點掂呀!   呢道的價錢好貴呢!

坐落大家傾吓謁先知道, 行烏蛟騰那邊好難行, 雨後全部泥地, 仲遇到蜜蜂巢, 被蜜蜂攻擊, 副組長中咗三針, 好彩無事咋.

嘩, 我地無行嗰邊真好彩.