薯球獅子頭?

July 3, 2017, Monday

哈哈, 在讚美中成長果然係得的.  今日Cindy又有新猶.

放工返到屋企, 見到廚房隻碟有兩大嚿野,  我問佢咩嚟架?  佢笑笑口同我講係薯仔.  薯球獅子頭, 點樣攪作?

到上檯時, 佢只係在上面加咗的黑麻油, 哈哈, 係冷盤凍食

佢都算有心機, 薯蓉加薯仔碎混合, 入面有韮菜, 洋蔥, 辣椒.  只係加咗的鹽調味.  講真, 味道好好咩又唔係, 但亦都唔難食.   喜歡食薯仔嘅應該都會鍾意食.   雖然我覺得麻麻, 但都要比個like佢.   其實呢個薯球配荷蘭醬可能更好味.

呢餐仲有煎雞翼

自家製薰蹄

緬甸式的雞蛋炒鴛鴦豆角(白豆角/青豆角)

紅蘿蔔牛蒡豬骨湯

每日要諗不同的四餸一湯, 都唔容易呀!