發芽糙米野菌飯

July 23, 2017, Sunday

匆匆而來匆匆而去, 不過就令到我地無得hiking and boat outing.

今日本來約埋鬼妹仔一齊去玩, 無辦法, 昨晚知道今早六點會掛三號風球, 已經取消今日行程.  點知早上仲話會改掛八號風球, 咁就邊道都唔去啦.

成日流流長花咗大半天執吓屋, 咁晚餐都要搵的野嚟攪架.

今日我又整發芽糙米飯

包裝寫得好清楚, 呢的米受水, 平時嘅白米水份係1:1, 呢的發芽糙米比例要1:2. 即係一杯米要兩杯水

我本來諗著煮不杯米就夠啦, 但Cindy望著我話唔夠, 好啦, 煮夠三杯米

雖然包裝上話唔使浸, 但我覺得浸短時間應該ok, 咁洗完米就落咗三杯水落飯煲, 浸大約10分鐘

呢個時間就炒吓的什菇, 原來其他菇食哂, 只剩下細啡菇

咁我就加咗一王礶蘑菇一齊乾炒 (無需油, 我要去其水份)

跟著就落的菇去飯煲

再加多三杯清雞湯 (加埋浸米的三杯, 前後六杯水).   Cindy問我要唔要加鹽, 咁梗係無需要啦.

平時煮白米, 我地會用快速煮飯function (只需10分鐘), 但今日唔用快速function, 普通煮飯, 要40分鐘.

當個Cukoo飯煲話飯已煮好時....有的緊張呀....未試過落咁多水煮糙米呀.

一打開就好開心...的米真係受哂水.

我張的飯同菇拌勻, 加了胡椒粉, 再焗多10分鐘.

到食時的米質量啱啱好,  yeah!!

Cindy要我煮三杯米, 點食得哂, 呢的飯好飽喎!