嘆茶

July 20, 2017, Thursday

今日同Akiramay 通電話, 見佢話呢排好唔得閒, 老爸常進出醫院, 晚飯都唔得閒煮.   無煮晚飯咁即係無帶飯啦, 即刻約佢食午飯, 大家傾吓謁, 舒緩吓的壓力.

我地兩個都鍾意食彩晶軒嘅奶皇包, 一齊去嘆茶.

 呢排去飲茶都自備茶葉, 彩晶軒的點心ok, 但係的茶就真係麻麻啦, 飲落嚡口, 自己帶茶葉, 的茶滑好多.

兩人飲茶唔叫得幾多, 我地預算叫四款點心, 最後加一個冰花燉蛋就ok.

我地唔要炒粉麵, 改為要煎糯米雞, 點知呢碟HK$32嘅特點, 只有大約4寸直徑, 比珍珠雞大少少, 唔係我地心目中嘅糯米雞囉, 真係覺得有的搵笨.

 呢道的潮州粉果好味.

 
 無咗個脆脆龍皇腸, 但呢個蘿蔔絲酥腸粉

 
入面都係脆的....好味, 好過食的腍嘅炸兩

我們都愛奶皇包

無失望, 入面都係流沙....好味.

呢道的點心真係唔錯呀!

跟著兩份食一碗冰花燉蛋....  哈哈, 啱啱好.

埋單HK$150.  留意下, 我地只係要了三個鹹點, 兩個甜點呀!

好滿足.

返到公司聞到好香蛋糕味, 幾位同事趁午飯時間焗蛋糕....好香呀!

佢地唔放過我個胃, 有肥一齊肥.

美味新鮮出爐蛋糕, 入面加了Cream Cheese, 勁多牛油....超邪惡呀!