芝士洋蔥圈

August 5, 2017, Saturday

今晚有聚餐, 我又諗吓整咩野.    近來的聚餐, 我地Happy Hour都差不多食到夠, 咁盡量都整的小食. 

見到廚房有兩個洋蔥, 不如就整洋蔥圈啦....即刻上網睇吓人地點整.    咦! 洋蔥圈中間夾的芝士都好喎.

片裝Cheddar Cheese, 攞幾片出嚟, 切到一條條

要比切好的洋蔥窄少少

將的洋蔥切咗, 拆開, 圍著放芝士, 跟著用細一點的洋蔥圈夾著.

整好就係咁啦.

預備麵粉, 蛋漿, 麵包糠.   先沾麵粉, 再沾雞蛋, 再沾麵包糠

諗著整個健康版唔油炸, 放再焗盤

180度焗20分鐘

見得十幾個洋蔥圈唔多夠, 再去買洋蔥, 整多兩個.   呢款洋蔥切開薄身的.

 

點知的洋蔥圈焗完好似無反應, 但時間已經唔夠.

唔好諗啦, 第二批整嘅即刻用油炸

用油炸快好多. 整好呢的, 我馬上拎呢的去比大家送酒先.

跟著叫Cindy幫我將焗爐拎出嚟嗰的, 用酒快炸一吓.

真係唔好以為整洋蔥圈好容易, 淨係加芝士嗰部份, 手工都花唔少時間呀!

哈哈, 本來諗著焗爐版健康的, 最終都係要油炸呀!