老夫子餐館

Feb 13, 2018, Tuesday

百行以孝為先, 大公子昨天返香港, 今早一家人一齊去寶福山拜老爺.   幾年無返嚟,  返到嚟就第一時間去探吓爺爺.   老爺死咗咁多年, 可能都已經投胎轉世, 但去拜佢係表示尊重, 我們的一點心意.

攪掂之後, 一家人去咗太子, 去老夫子餐館食午飯.

哈哈, 對於我同型爸, 老夫子大蕃薯秦先生係懷舊卡通.  但兩個兒子就無咩感覺啦.

餐館在彌敦道777號1樓....老夫子企咗响門口啦

樓梯貼哂佢地個樣

上到去大蕃薯老夫子在迎接

 
 

哈哈, 我地未夠十二點就到,  當時無其他客人, 任我周圍影呀!

吓, 咩老夫子同陳小姐結咗婚咩?

去丁厠所門口, 都有公仔部伙排隊

 

餐牌都整到老夫子的人型....

至於食物的味道及質數尚算ok

 

蘑菇湯幾好味

呢個吉列豬扒配咖哩汁飯幾好味, 豬扒好鬆軟

反而兩個仔叫的西冷牛扒就唔係幾得啦.  HK$98 一份餐, 的牛又嚡又無味.

我要呢碟煙三文魚南瓜汁炒意粉都幾好味.

咖啡都唔錯

埋單都唔貴, 午餐係咁上下啦.

老夫子餐館都係卓頭野, 比大家食吓飯兼影吓相咁啦.