今日無特別行程, 可以慢慢亨受吓個早餐....
型爸今天主食叫咗個普通煙肉腸雙蛋.
而我就叫咗個煮蛋.
加埋呢碟,
配埋杯茶就係我份早餐....滿足.
食完早餐, 就上去換衫, 因為一陣間book咗上半小時免費瑜珈班. 型爸無興趣, 留响房間睇電視等我地. 我同朋友兩夫婦一齊上瑜珈堂.
睇吓間酒店個Gym同好女更衣室都唔錯架(當時無其他人, 我先可以影相).
呢間就係我地上瑜珈嘅房啦. 上咗半個鐘頭, 先做熱身, 再做咗幾次拜日式就完嘞.
跟著我地check out, 將的行理寄存酒店, 然後出去行街. 其實我地由酒店, 只要行15-20 分鐘, 可以行到Sala Daeng 車站, 都唔係好遠.
朋友昨晚出去飲野, 買咗一pack Johnnie Walker Soda Mix, 送一支比型爸飲, 諗著可以一路行一路飲, 點知型爸兩啖已經飲完. 不過呢的飲品唔啱我.
行出去上咗天橋已經見到好多小販攤檔
其中一檔賣呢的花生, 睇吓幾得意, 真係粒粒都有四粒花生喺入面. 不過食落去似豆多過似花生.
經過一間叫Naj Exquisite Thai Cuisine嘅餐廳, 裝修好靚好古雅. 型爸好好記性, 話之前嚟過呢道食飯. 我就無咩印象.
再睇吓的介紹, 原本呢間Naj都有辦cooking class, 如果下次再想學泰菜, 可以嚟呢間試吓. 睇吓張相, 左手面種咗响地下花槽嗰的係香茅, 而右手面個花園種咗好多唔同香料. 即係話呢間餐廳嘅新鮮植物香料, 都係自己種嘅.
行到出去Sala Daeng, 有幾個靚女派紫菜, 試味, 都幾好食.
之後坐咗的士去Carrefour shopping, 行吓超市. 唔覺意買咗兩對涼鞋, 又買咗幾包泰式調味料& lime juice.
行吓行吓都無咩野買, 跟著走咗去food court食lunch.
又係泰式粉麵.
呢道food court 需要預先買消費咭, 買食物扣錢, 用剩再去退款.
最後行過對面Tesco, 無咩野買, 不過見到呢道有一間賣健康護膚品嘅鋪頭, 一公升純椰子油平好多baht590, 翟道翟反而貴的bht750(不過唔同牌子). 跟著唔覺意買咗兩條中腳褲....(唉! 返到香港睇吓個標籤, 原來係made in China, 真係stupid....).
跟著坐的士返酒店, 返到去差唔多三點
去到大堂, 的花已經換哂, 真係煥然一新, 好舒服.
將的手提行理放哂入更衣室locker之後, 就走咗去泳池hea吓, 休息吓. 大約四點鐘, 我地坐的士離開酒店去機場.
因為大家都買咗好多野, 我地分開兩部的士, 朋友夫婦就好彩的, 上咗架有良的士, 睇錶收費. 坐咗三佰幾BAHT, 我地就上咗架無良的士, 個司機一上車無落錶, 轉彎一離開酒店範圍, 即刻同我地講要五佰baht包highway費, 我地話酒店講四佰baht, 佢話四佰baht唔包highway... 型爸話一佰幾十, 由佢啦. 結果我地共比咗四佰七十五BAHT, 雖然唔係好多錢, 但心裡不舒服, 覺得唔應該坐長呢的濫收車資嘅風氣.
check in 之後有小小肚餓, 但又唔想食太多, 响Burger King 買咗一個餐同型爸一齊食, 呢個都算係我地食過最貴嘅漢堡飽餐, hk$107....
入閘上機lu...
呢份係飛機晚餐, 完全無興趣....
晚上六點四十分起飛, 差唔多十點幾到港. 攞埋行理開車返到屋企都成十一點幾. Unpack的野就要沖涼瞓覺, 第二朝一早要返工.
行程完滿結束.......
第二晚放完工, 就去咗針炙, 返到屋企都成十點... 不過都要審視吓今次嘅收獲.....
响泰國剩市買嘅超細隻辣椒
Palm sugar
新鮮炸好嘅蒜蓉
煲冬陰公湯嘅冬陰paste
炒通菜嘅醬汁
响Carrefour 買嘅lime juice
各式調味粉(其實都未知點用)
當然仲有我响cooking school 嘅souviers 啦.
証書一張,
香料&醬汁
香料名稱介紹, 同埋學煮嗰四個餸嘅recipe.
仲有呢堆石頭呀!
烏龜兩隻
唔知咩兩個
南瓜兩隻
小象兩隻. 可惜寄行理時, 隻象右耳"受傷", 底坐裂開三件, 返到嚟唯有買AA啫喱膠幫佢"療傷".
加埋加埋去年買嘅青蛙, 石蘑菇....一家團聚, 真開心呀!
one liter natural Coconut Oil. 响泰國時係透明成支油, 返到香港天氣冷, 即凝固變乳白色. 平時會用小樽分開裝, 用時可坐熱水, 一熱就會溶, 或取小許在手, 手溫摩擦都會即溶. 天然椰子油有好多好處, 而家冬天乾燥, 沖完沖用嚟擦身非常之好.
再加埋的衫褲涼鞋....我都覺得收獲好豐富.... 又一次愉快嘅旅程.
唯一美中不足就係今次食咗咁多餐都係食泰菜, 無試其他菜式, 單調咗的. 下次再去, 要安排一下. 至於按摩, 以前每日都去唔同嘅店試做, 睇吓邊間好的, 近幾年試咗好多間, 覺得呢間Asia Herb Association 都幾掂, 所以日日幫襯都唔怕.
