炸豬油渣

2011年11月15日下午11:27公開累積瀏覽 202 4

November 12, 2011, Saturday Afternoon

今朝好忙, 睇完電影, 就要攪吓今日嘅午餐, 但而家整嘅野, 都唔係預備要嚟做午餐, 只係手痕攪吓鬼...... 整的唔係幾健康嘅食品


買咗嚿上肉用嚟剁肉餅, 將的肥肉切咗出嚟, 試吓炸豬油渣 

 

將的肥肉切粒, 我無咩經驗, 的肥豬肉應該切大嚿的, 今次切得太細粒.  放入鑊, 的油就慢慢炸出嚟


烘吓烘吓, 的油開始出嚟,

 

多出嚟的油就用碗裝起, 的豬油都好清喎. 不過如果唔裝起, 不停咁炸, 的油就會變得好深色.

慢慢炸, 等的油出嗮嚟.  炸起的油渣, 變哂金黃危, 就好似咁啦!  我食咗幾粒, 好脆架. 

今日午餐已經預備咗粥同米粉, 呢碟豬油渣都未諗到點食, 咦, 明天用嚟整個豬油渣湯麵都好喎.


唔食著, 代涼就可以先用樽裝好.  

點知我又食幾粒, 型爸又食幾粒.  陶爸過嚟又食的, 林老闆又食的, 剩番半樽.... 可能都無機會用嚟煮麵嘞.