被醫生訓話呀!

2012年3月19日下午12:19公開累積瀏覽 983 2                    

 

March 15, 2012, Thursday

今日下午book咗去睇中醫骨醫, 繼續治療肩頸問題.  

上次嚟醫生見我感冒未清, 外感傳裡, 叫我買小柴胡丸. 清吓的外感.  但我買唔到, 買咗小柴胡湯, 咁我就話埋比醫生知我又食埋呢個開胃健脾丸.....點知醫生一聽就對住我訓話...我都無叫你食呢的藥, 你點解要食呀?....  吓, 唔知呀, 買藥嗰位小姐叫我一齊食效力好的喎....  唔知你又隨便食,  小柴胡丸都唔可以長時期食架, 如果的外感唔清再食的補野落去會好麻煩架....吓, 我諗我無食咩野補野啩....咁你而家點吖....我覺得的外感仲係未清, 胸口作悶, 食完野想嘔囉... 你嚟睇我, 邊的藥食得邊的唔食得要先問我麻.....哦哦哦....剩低嗰的小柴胡湯唔好飲啦....返去煲藥啦....

跟著醫師攞佢本天書, 左睇右睇, 寫咗張方比我.   醫生見我正骨幾次, 手臂肩頸仍痛, 再受風寒, 可能肺經受損....佢跟著講咗一大埋病理....我都唔係好明, 唯有哦哦哦, .真係好感激醫師, 佢平時唔隨便開藥方, 只係幫人正骨(外科).  今次只係個別事件...

正完骨, 肩頸都鬆咗好多, 但係唔知道可以維持幾耐.   攞咗張方, 梗係第一時間去執藥啦.

一次過執三劑, 醫師叫我食完三劑有任何反應, 就算無反應都要話佢知.


我用電子藥煲都要成個半鐘先有我飲呀!   呢碗藥又幾好飲喎, 入面有黃芪人參當歸...好味!

飲完當晚真係好好瞓, 半夜無喉乾咳醒, 的啖好似鬆咗的.  嗰的熟睡感覺同食西藥嗰的好瞓完唔同. 瞓醒後唔會覺得混混沌沌.

呢幾劑藥醫生話要幫我提氣活血去濕補腎.....我都唔記得咁多.   連續飲咗三日, 腹腔嘅脹悶感覺消除咗好多.  但暫時對我嘅肩頸痛就未覺有的咩野幫助.   醫師話如果無不良反應, 可以再執多幾劑嚟飲.

其實醫師話得我好啱嘅, 唔應該隨便食的中成藥(其實我以前都無試過隨便買中成藥), 下次唔會啦.