外盒有介紹呢款頸部拉引嘅作用及生產地.
說明書入面就有詳細介紹如何使用
一買返嚟當晚我就即刻用啦. 呢張相係未充氣之前, 外型就像坐飛機的充氣頸箍
如果我帶咗上頸就影唔到相, 咁就先充氣影的相
好似的手動血壓計咗, 用一個手動氣泵用作充氣, 而泵上膠喉有一突出之位內藏鐵珠, 以作關閉氣喉之用
充氣之後就可看清楚有三層氣囊, 可用兩條魔術貼固定於頸上. (如外盒的女孩子帶在頸上)
呢張就可以睇清楚有一個分义喉管, 泵氣時分別加進三層氣囊入面. 而最下層喉管有一突出之處, 內藏一鐵珠, 作為關閉最低層氣囊, 以作調節氣量, 用作調較貼合頸部之位置.
試用完後, 第一個感覺係暈眩, 可能是因為我最後加氣至頗大拉力, 氣囊擴大以至頸部及面部血液不流通所致. 差唔多一分鐘, 我馬上將氣泵上的螺旋蓋扭開, 將氣排出, 將壓力減少. 休息一陣, 暈眩感覺便沒有了.
有一次我手麻痺時, 立即使用, 頸部輕微拉高了, 隻手的麻痺感覺便沒有了, 好似是有點功效. 但最大問題我沒有可能長期帶著這個充氣頸箍. 而說明書上, 都寫著一日兩次, 每次十至二十分鐘用中小拉力, 大拉力只可一至三分鐘. 二十日為一個療程.
做咗幾日, 做時好似好的, 但做完後又回復一樣, 唔覺得有咩大進展. 我諗又係治標而不治本嘅方法. 但已經買咗返嚟, 又覺得無咩副作用, 有少少幫助都好過無.
平時做物理治療, 都係咁啦, 唯有慢慢嚟, 比的心機做一個療程睇吓點先啦.
沒有留言:
張貼留言