餐廳喺酒店嘅8樓, 叫做Grave, 全間酒店高32層. 11樓以上就係客房, 如果要上客房, 一定要用房間咭匙拍咭, 如果唔係嗰層嘅燈係唔會著.
一出電梯, 嘩! 好多酒呀, 唔通呢道係存酒庫?
的酒放到密密麻麻, 而餐廳入口就係側面.
入到去好大呀, 而food counter 就喺餐廳中央, 佔地都頗大. 其中一格仲放咗的麵包做裝飾
樓底好高, 的天花用好多不規則嘅板切成, 非常雅致.
先去攞飲品先, 型爸要嘅skim milk, 我要咗石榴汁
第一round要咗沙律同芝士, 白色透明一條嗰的唔知係咩, 硬硬爽爽, 食咗都唔知係咩. 真係估唔到芋頭都可以做沙律, 攞咗一嚿試吓, 覺得乾咗的
要咗半碗雞粥, 仲有少許熱食. 呢道食粥通常都落辣椒粉. 不過的粥"太"好味啦, 應該落咗師傅
跟著就係烚蛋啦, 烚5分鐘, 半生熟
估吓呢支野係咩
用嚟蓋喺蛋面, 將粒珠拉起, 一跌落去, 驚唔得呀, 師傅再整多次
睇吓的蛋, 上面有條裂痕
將佢一掀開, 就得啦, 係咪好攪鬼呢! 加的胡椒鹽, 好味.
型爸攞咗西瓜同菠蘿, 佢話超甜, 但係我都食唔落, 因為我攞咗件迷你Waffle... 真係好夠啦.
慢慢食, 食咗一個鐘, 我地就上去泳池囇太陽游水啦.
泳池响酒店10樓, 一出電梯, 有一個頗大嘅Gym room
行出去就係露天泳池
我揀咗呢棵大樹下嘅太陽椅. 型爸鍾意曬, 但我唔想咁曬呀! 唔想再有雀班出水嚟呀!
右手面就係泳池
型爸游緊水, 發現前面有一張帳篷型嘅太陽椅, 即刻叫我過去.... 嘻嘻, 好盞鬼又舒服
過咗一陣, 嗰班歐洲人男士走咗之後, 我先可以影個泳池. 泳池唔係太大, 無標準池咁大, 但足夠啦.
呢張係我坐响帳篷內影出去, 藍天白雲, 曬到對腳, 但曬唔到塊面. 正呀!
型爸就咁熱叫的凍飲, 佢叫咗一支Singha
型爸就咁熱叫的凍飲, 佢叫咗一支Singha
我要咗礦泉水
好舒服咁曬吓太陽游吓水, hea咗個幾兩個鐘. 要落房沖涼, 又要出發啦.
跟著我地坐的士(叫酒店幫我寫定泰文), 我地要去河口廟, 泰文叫Wat Pak Nam, 在當地好出名, 呢個Wat Pak Nam 有website介紹架, 個website都好似全部係泰文, 好耐都無上過去, 唔知而家有無英文網頁呢?
去到有呢三個牌, 我都唔知泰文寫咩. 我諗係Wat Pak Nam咁嘅意思啩.
就係拜呢個心得佛
呢個就係廟堂, 個金身就係心得佛. 拜完神就會將的金鉑貼上去, 個金身越嚟越厚
拜完神我地周圍行吓, 呢道擴建大咗好多. 呢個新廟堂, 上次嚟都未起好. 入面有好大尊金佛像.
行出嚟有泰皇夫婦嘅相. 泰國人非常尊敬佢地嘅泰皇.
再行出嚟見到嚿野, 咩野嚟呢, 咁得意嘅.
再睇吓後面, 原來係個鼓嚟架. 咁前面個喇叭型嘅東西就係揚聲器啦.
行完我地就離開啦! 我地要去食晏啦!
沒有留言:
張貼留言