March 8, 2012, Thursday, 三八婦女節
晚上應邀參加Regal Hotel 925 Party, 揀正响3月8號舉行, 算唔算係慶祝三八婦女節呢!
晚上應邀參加Regal Hotel 925 Party, 揀正响3月8號舉行, 算唔算係慶祝三八婦女節呢!
呢張係佢地今次嘅邀請咭, 主題係crazy hat, 仲有The best costume Award... 嘻嘻, 不過我唔會去玩呢的啦.
今次去到, 對場地同的食品都好滿意喎, 平時佢地嘅party, 大多數都係cocktail party形式, 整晚都係企喺到, 食野又係企喺到. 但今晚就响以前嘅意大行餐廳設咗大約十圍八圍(無刻意去數), 每個去嘅人都可以坐得舒舒服服, 食野都開心的. 入到去最搶眼就係呢個甜品corner....
比個close up睇吓呢個士多啤梨山
仲有呢個劣馬卡龍山
除咗呢兩款, 仲有好多款整得好精美嘅甜品.
其他小食corner
小食嘅款式亦都有好多
呢個stainless still 嘅板, 用小匙羹插著好多三文魚小食, 賣相好亦都方便攞出嚟食
熱食有黃金蝦, 片皮鴨, 鵝肝薄餅, 芝士薯仔, 天婦羅.... 仲有牛仔肉, 同事話好好味.
今日的食品, 無輪賣相同質量都非常之好, 好可惜, 我感冒未清, 根本食唔落, 食咗的個胃就已經頂著......實在太可惜啦.
攞咗其中一款甜品仲紹吓, 就係呢支蠟燭型嘅甜品, 整枝係食得嘅. 連底坐同手挽都係朱古力做. 而圓筒入面包著嘅食士多啤梨味嘅cream, 睇得出甜品師傅响呢餐入面嘅所有甜品, 都放咗好多心機落去, 真係值得為佢鼓掌.
今晚還有Bingo 遊戲同抽獎.
而仍地今次party嘅目的係介紹佢地新開嘅club lounge, 雖然喺一樓, 但地方大咗好多, 咁的club floor 客都開心的啦.
今晚個party由晚上六點半至八點半, 時間唔長, 濃縮咗反而好的. 見到參加嘅人都幾開心. (我食唔落唧, 見到其他人都食得好開心)
如果Regal Kowloon Hotel 入面嘅餐廳, 都可以保持到今個晚上食物嘅水準, 我相信一定可以吸引多的客人, 但係每次去佢地嘅Cafe Allegro, 都係覺得的食物好普通...
今次都有趁機會反映上次公司個spring lunch, 原來之前個chef走咗, 而最近煮得唔好個chef亦都已經換咗. 希望佢地間hotel繼續進步啦.
沒有留言:
張貼留言