February 24, 2012, Friday Night in Bangkok
如果唔係嚟bangkok之前, 响胡慧沖個website做資料搜集, 就唔會搵到Restaurant Tokia, 同埋有間按摩店都係喺Siam Discovery. 餐廳响二樓, 而按摩店响三樓, 唔使走嚟走去. 不過下次會將的時間安排好的, 呢個商場晚上九點關門, 真係早咗的.
睇吓呢個門面, 全部泰文, 如果唔係有地址, 見到都唔敢入去呀.
如果唔係嚟bangkok之前, 响胡慧沖個website做資料搜集, 就唔會搵到Restaurant Tokia, 同埋有間按摩店都係喺Siam Discovery. 餐廳响二樓, 而按摩店响三樓, 唔使走嚟走去. 不過下次會將的時間安排好的, 呢個商場晚上九點關門, 真係早咗的.
睇吓呢個門面, 全部泰文, 如果唔係有地址, 見到都唔敢入去呀.
胡慧沖話呢間店係Clinic, 雖然名為診所, 但係都係以泰式按摩為主. 有中式腳底按摩同中醫針灸(吓, 呢的返香港或大陸做啦)
我地食完飯都八點幾, 但係個商埸收九點, 咁佢地話只可以按一個鍾, 唔可以兩個鐘. 咁一個鐘都殺啦.
大堂有多張椅做腳底按摩, 而泰式按摩就要入呢的房間
入咗其中一個房間, 估唔到入面都有5張床. 不過我地包房啦, 都無其他客.
一個鐘要400baht, 兩個鐘就700baht. 唉, 唔記得比胡慧沖嗰張discount coupon, 好似有八折, 但我無攞出嚟, 無折.
嘩! 真係無介紹錯, 呢道的師傅真係得, 女師傅幫我按, 並唔係好大力, 但按得非常到位. 今日其實行咗好多路, 比佢按完, 真係攰意全消. 一個鐘頭都好夠. 而另一個男師傅按型爸, 型爸平時唔鍾意比男師傅按, 但係今次按完, 佢都話男師傅都按得好好.
按完之後都差唔多十點, 商場已經關門, 好多地方已經鎖咗, 跟本完全唔識行出去, 結果要等埋的按摩師傅一齊走, 轉嚟轉去, 先識行番出去.
跟著由Siam, 我地就坐BTS返去Nana. 回程就可以行夜市. 上次嚟, MoChit呢條BTS線尾站都只不過去到On Nut, 今年己經多咗5個站到Bearing
一落Nana就已經係夜市, 好多小攤檔擺賣, 行咗一陣, 我地就去番酒店嗰條街.
呢條街一樣咁旺, 可能係Friday night啩.
見到我喜歡嘅芒果糯米飯, 可過我戒吃糯米, 咁就淨係要芒果啦. 60baht
跟著又見到我喜愛嘅香蕉雞蛋煎薄餅.....印度師傅先攞嚿麵粉出嚟
將佢撻吓撻吓就成為一塊薄片
將的切好嘅香蕉 雞蛋倒入薄餅
用鏟將四面摺入成方型
再翻轉煎另一面, 煎好呢邊
跟著又再翻轉另一面再煎, 煎至兩面都金黃色, 有的香香地
用鑊鏟切開一嚿嚿....(佢同一時間又做緊另一塊).
用個盒裝好, 再加的練奶...
入盒前插咗兩支牙籤喺盒面, 方便我地一陣拮嚟食. 攪咗咁耐40baht咋.
包好我地又繼續行多陣
街邊海鮮檔, 即叫即炒, 好香呀!
不過全部都係泰文, 譯咗英文都唔知係咩. 型爸對呢的街邊海鮮檔無信心, 佢唔肯响到食.
呢條街好多Bar & restaurant, 好多外藉人士, 反而好少香港人.
好攰啦, 要返酒店休息, 仲要宵夜呀!
攞盒香蕉雞蛋薄餅先
我地今晚嘅宵夜呀! 唔知的薄餅係咪放耐咗, 食起上嚟的薄餅唔夠脆, 咬落有的韌. 平時即買即食, 好好味架, 有的失望, 但係的芒果就唔錯嘞!
今日雖然攰, 但係好開心呀! 晚餐唔錯, 按摩又按得幾好. 要沖涼休息啦, 明天要去Wat Pak Nam, 跟著去shopping, 都有排行呀!
沒有留言:
張貼留言