氣炸腰果 - Philips Air Fryer

2013年4月26日下午1:47公開累積瀏覽 502 1                    

 April 21, 2013, Sunday

浸完梅酒, 仲係有的手痕呀!  上次買咗包腰果, 好耐都未整, 今日浸完酒, 不如整的送酒小食...(哈哈, 咁當然唔係等到的酒浸好先食啦)

氣炸氣炸, 千祈唔好以為我生氣都爆炸, 只係用個氣炸鍋咋.

的腰果都真係唔平, HK$56一斤.  不過去超市買焗好嘅都要HK$69一磅 (型爸話咁佢地都唔係賺好多啫...吓, 咁即係點呀...kakaka, 咁梗係自家整好的啦)

的腰果好靚呀!

用水煲3-5分鐘, 瀝乾水份.   呢個時候的腰果會腍咗的, 唔緊要架.

攞個氣炸鍋出嚟


腰果掃上油

倒一半入去氣炸鍋, 唔敢一次過放唒落去, 驚炸得唔均勻呀!

用200度焗20分鐘....嘩, 好彩我七分鐘就打開嚟睇吓, 太大火, 即改160度, 氣炸多2-3分鐘


咁就得啦, 趁熱時灑上海鹽, 即時食, 唔會咁脆, 但待涼一會, 就會好脆架....試味都試咗好多粒啦..

剩下嘅一半, 照辦煮碗, 掃上油

不過今次用180度焗10分鐘, 5分鐘時攞出嚟翻動一次.


今次非常滿意., 灑上海鹽...待涼...又試味, 好脆


要完全涼透先可以入樽呀!  有濕氣就會腍架.


攪掂啦....用氣炸鍋唔使落好多油, 食落都覺得健康的.   再試, 的腰果好脆, 好味呀!

如果無氣炸鍋, 用焗爐都一樣得. 氣炸或焗點都比油炸好, 健康的麻.